Habari Mpya

Makumi ya maelfu ya watoto nchini Afghanistan wbado wameathiriwa na mafuriko yanayoendelea, hususan katika majimbo ya kaskazini ya Baghlan na Badakhshan na mkoa wa Ghor magharibi mwa Afghanistan, limesema leo shirika la Umoja wa Mataifa la Kuhudumia watoto UNICEF na kukumbusha kuwa mafuriko katika nchi hiyo ya Asia ya Kati yanasababisha tishio la haraka na la kudumu kwa watoto.

Hatimaye wakazi wa kitongoji cha Cité Soleil kwenye mji mkuu wa Haiti, Port-au-Prince wataanza kupata mlo baada ya shirika la Umoja wa Mataifa la Mpango wa Chakula duniani, WFP kufikisha shehena za vyakula, eneo ambalo mwishoni mwa mwaka 20222 lilitajwa kugubikwa na kiwango cha juu zaidi cha njaa.

Watu milioni moja sasa wamefungasha virago na kuukimbia mji wa Rafah kusini mwa Gaza, ka mujibu wa Shirika la Umoja wa Mataifa la Msaada kwa wakimbizi wa Kipalestina UNRWA, huku kukiwa na ripoti mpya za mashambulizi ya usiku kuamkia leo katika maeneo ya kusini, kati na kaskazini yanayofanywa na vikosi vya Israel.

Nchini Rwanda, hivi karibuni Wizara ya Afya ya nchi hiyo, kupitia Shirika la Umoja wa Mataifa la Kuhudumia Watoto (UNICEF), imeanza usambazaji wa Vidonge vyenye virutubisho vingi vya lishe (MMS) ili kuboresha lishe ya wajawazito kama njia ya kupunguza kasi ya udumavu kwa watoto.

Katika hatua ya kihistoria, Mkutano wa 77 wa Dunia kuhusu Afya (WHA77), ambao ni mkutano wa kila mwaka wa nchi wanachama 194 wa Shirika la Umoja wa Mataifa la Afya Ulimwenguni, leo umekubali fungu la marekebisho muhimu ya Kanuni za Afya za Kimataifa (2005) (IHR) na kutoa ahadi madhubuti za kukamilisha ndani yam waka mmoja mazungumzo kuhusu makubaliano juu ya janga la afya la kimataifa ndani ya mwaka, ikiwezekana mapema iwezekavyo.

Mbobezi wa masuala ya elimu kutoka Malaysia Profesa Dkt. Selvaraj Oyyan amesema iwapo kasi ya sasa  ya matumizi ya Akili Mnemba au AI haitapatiwa usimamizi wa kutosha, basi siku zijazo kati ya miaka 10 au 15 dunia itakuwa na watu wenye fikra na mtazamo mmoja kwani mashine zitakuwa zinafanya kila kitu.

Wahudumu wa kibinadamu wa Umoja wa Mataifa nchini Jamhuri ya Kidemokrasia ya Congo (DRC) wanasema wana wasiwasi mkubwa kutokana na kuzorota kwa kutisha kwa hali ya kibinadamu huko Kivu Kaskazini, mashariki mwa nchi, Msemaji wa Katibu Mkuu wa Umoja wa Mataifa amewaeleza wanahabari leo Mei 31 jijini New York, Marekani.

Katika siku ya kupinga matumizi ya tumbaku duniani, shirika la afya la Umoja wa Mataifa duniani WHO na kampuni ya kimataifa ta STOP inayofuatilia masuala ya tumbaku wamezindua wamezindua ripoti "Kuunganisha kizazi kijacho," ripoti inayoangazia jinsi tasnia ya tumbaku na nikotini husanifu bidhaa, kutekeleza kampeni za uuzaji na kufanya kazi kuunda mazingira ya sera ili kuwachagiza vijana wa ulimwengu kuwa waraibu.

Nchini Haiti mapigano yanayohusisha matumizi ya silaha kutoka vikundi vilivyojihami yamesababisha watoto nao kutumikishwa kwenye vikundi hivyo limesema shirika la Umoja wa Mataifa la kuhudumia watoto UNICEF.

Njaa nchini Sudan “imekaribia sana” ikiwa mashirika ya misaada yataendelea kuzuiwa kutoa msaada, wameonya wahudumu wa misaada wa Umoja wa Mataifa leo Mei 31.