Maambukizi ya ugonjwa wa COVID-19 barani Afrika yamekuwa ni ya chini zaidi kuwahi kushuhudiwa tangu kuripotiwa kwa mara ya kwanza kwa mlipuko huo mwezi Aprili mwaka 2020, ambapo idadi ya wagonjwa walioripotiwa wiki 16 zilizopita imepungua sambamba na idadi ya vifo katika wiki 8 zilizopita.
Muuguzi Rebecca Deng ambaye ni mkimbizi wa Sudan Kusini anayeishi katika kambi ya wakimbizi ya Kakuma nchini Kenya ameisihi jamii kuhakikisha inapata elimu sahihi ya afya ya uzazi pamoja na kuhimiza wanawake na wasichana kutoacha kujiendeleza kielimu.
Ikiwa leo ni siku ya ugonjwa wa Chaga, shirika la afya la Umoja wa Mataifa WHO linasema duniani kote inakadiriwa kuwa hadi watu milioni 7 wameambukizwa ugonjwa huu ambao mara nyingi hauna dalili lakini ni tishio kwa maisha ya binadamu endapo hautotibiwa.
Shirika la Umoja wa Mataifa la mpango wa chakula duniani WFP linasema afya bora na lishe bora vinaruhusu watoto kujifunza na kufanya vyema katika masomo yao na hivyo kupanua wigo wa fursa zao za kielimu.
Haki za wanawake ni haki za binadamu n ani kwa kila mahali wakati wa vita na amani, amesema Mwakilishi wa Katibu Mkuu wa Umoja wa Mataifa anayehusika na masuala y ukatili wa kijinsia kwenye maeneo ya mizozo.
Katibu Mkuu wa Umoja wa Mataifa Antonio Guterres amekuwa na mazungumzo kwa njia ya simu na Rais wa Jamhuri ya Kidemokrasia ya Congo, DRC Félix Tshisekedi Tshilombo ambapo wamejadili masuala kadhaa ikiwemo hali ya amani mashariki mwa Taifa hilo la Maziwa Makuu barani Afrika.
Katibu Mkuu wa Umoja wa Mataifa António Guterres hii leo amewasilisha muhtasari wa kwanza wa kina wa sera itakayotolewa na Kikundi cha Kukabiliana na Migogoro ya Kimataifa kuhusu Chakula, Nishati na Fedha (GCRG), ambacho alikianzisha kuchunguza madhara ya vita vya Ukraine kwa dunia.
Kukabiliana na changamoto zinazoingiliana ambazo zinalikabili bara la Afrika na kutambua uwezo wake mkubwa kunahitaji juhudi za hali ya juu na kubadili mwelekeo kutumia njia mpya za kufanya kazi pamoja, amesema mkurugenzi mkuu wa shirika la Umoja wa Mataifa la chakula na kilimo FAO QU Dongyu leo alipokuwa akifungua kikao cha 32 cha mkutano wa Kikanda wa Afrika (ARC32) wa shirika hilo la chakula na kilimo la Umoja wa Mataifa.
Mamilioni ya familia za wakimbizi katika eneo la Mashariki mwa Afrika ziko hatarini kutumbukia kwenye njaa kali wakati huu ambapo mgao wa chakula unapungua kutokana na rasilimali za misaada ya kibinadamu kuzidiwa uwezo kwa sababu za mizozo lukuki, madhara ya tabianchi, janga la COVID-19 na ongezeko la bei ya chakula na mafuta, yamesema mashirika mawili ya Umoja wa Mataifa, lile la kuhudumia wakimbizi, UNHCR na mpango wa chakula duniani, WFP.
Wataalamu wa Umoja wa Mataifa wa haki za binadamu wamelaani hatua ya hivi karibuni na inayoendelea nchini Misri ya kufukuza wasaka hifadhi kutoka Eritrea na kutoa wito kwa mamlaka kusitisha mara moja kitendo hicho.
