Ongezeko la chuki na uhalifu dhidi ya watu wenye asili ya Asia na visiwa vya Pasifiki nchini Marekani tangu kuzuka kwa janga la corona au COVID-19 limemhamasisha mmoja wa wasanii wa uchoraji hapa Marekani kuchora Sanaa mbalimbali zilizogonga vichwa vya Habari kote duniani
Kuelekea mkutano wa ngazi ya juu wa mifumo ya chakula unaotarajiwa kufanyika tarehe 23 Septemba mwaka huu 2021 wakati wa mkutano wa 76 wa Baraza Kuu la Umoja wa Mataifa UNGA76, Katibu Mkuu Antonio Guterres amesema mifumo ya chakula ndio nguzo ya Maisha na mazingira.
Mkutano wa 75 wa Baraza Kuu la Umoja wa Mataifa, UNGA75 unafungwa rasmi hii leo na kutoa fursa ya kufunguliwa kwa mkutano wa 76 wa Baraza Kuu la Umoja wa Mataifa, UNGA76 unafungua pazia lake hii leo huku rais wake mteule Abdulla Shahid kutoka Maldives akisema tumaini ndio limesalia kuwa tegemeo kwa mabilioni ya watu duniani wakati huu wakihaha katikati ya janga la COVID-19, uharibifu wa mazingira, vita na majanga mengineyo.
Kwa kutambua ukosefu wa usalama na uhaba wa maji unaowakabili wakimbizi wa ndani walioko Tambura nchini Sudan Kusini, walinda amani wa Umoja wa Mataifa nchini humo wameanzisha doria maalum ya kuwasindikiza wakimbizi hao kuteka maji maji ili kuwahakikishia usalama katika kusaka rasilimali hiyo adhimu
• Watoto milioni 1 wako hatarini kwa utapiamlo
• Zaidi ya milioni 9.5 wameacha shule wengi ni wasicha
• Msaada unahitajika kunusuru afya yao na elimu
Naibu Katibu Mkuu wa Umoja wa Mataifa, Amina J. Mohammed, amehitimisha ziara yake ya Afrika Mashariki na pembe ya Afrika kwa kutembelea nchi ya Somalia na kuelezea mshikamano wake na wito kwa wanawake wa Somalia kushiriki kikamilifu katika uchaguzi mkuu.
Kamishina mkuu wa haki za binadamu wa Umoja wa Mataifa amesema ukiukwaji wa haki za binadamu jimboni Tigray nchini Ethiopia umefurutu ada na sasa mapigano yanayoendelea yamesambaa katika majimbo ya Jirani ya Afar na Amhara na kutishia kusambaa katika eneo lote la pembe ya Afrika.
Shirika la Umoja wa Mataifa linalohusika na idadi ya watu na afya ya uzazi duniani UNFPA, leo limetoa ombi la ufadhili ili kukidhi mahitaji ya haraka ya wanawake na wasichana nchini Afghanistan wakati janga la kibinadamu likinyemelea nchini humo.
Shirika la Umoja wa Mataifa la mpango wa chakula duniani, WFP limesema litasitisha kwa miezi mitatu mgao wa msaada wa chakula kwa zaidi ya wakimbizi wa ndani 100,000 nchini Sudan Kusini kuanzia mwezi ujao wa Oktoba kutokana na ukata.
Hii leo Umoja wa Mataifa umeitisha kikao cha ngazi ya juu kikihusisha mawaziri kwa lengo la kujadili mustakabali wa kibinadamu nchini Afghanistan, ambapo Katibu Mkuu wa Umoja huo Antonio Guterres amesema suala muhimu si kile ambacho watapatiwa wananchi wa taifa hilo bali deni la jamii ya kimaitafa kwa wananchi wao.
