Mkutano wa pili wa kamati ya dharura ulioitishwa hii leo mjini Geneva Uswisi na shirika la afya duniani, WHO, chini ya sheria za kimataifa za afya (IHR) (2015) kuhusiana na mlipuko wa virusi vya corona 2019-nCoV nchini China, umeutangaza mlipuko huowa virusi vya corona kuwa ni dharura ya kiafya ya kimataifa, PHEIC.
Shirika la Umoja wa Mataifa la kuhudumia watoto UNICEF limepeleka msaada nchini China ili kusaidia kukinga maelfu ya watu wakiwemo watoto dhidi ya kusambaa kwa mlipuko wa virusi vya Corona
Karibu watoto milioni 5 watahitaji msaada wa kibinadamu mwaka huu Sahel ya Kati kutokana na machafuko yanayoendelea limeonya shirika la Umoja wa Mataifa la kuhudumia Watoto UNICEF likisema idadoi hiyo ni ongezeko kubwa kutoka milioni 4.3.
Katibu Mkuu wa Umoja wa Mataifa Antonio Guterres ameikumbusha dunia kwamba mauaji ya maangamizi makuu au Holocaust ni uhalifu mbaya zaidi kuwahi kutokea duniani na tunapowakumbuka waathirika ni jukumu la dunia kuhakikisha kwamba uhalifu huu asilani haurejei tena
Kuunganisha ushirikishaji, elimu bora na malengo ya maendeleo endelevu, SDGs, vilikuwa sehemu kubwa ya mjadala wa leo wakati Rais wa Baraza Kuu la Umoja wa Mataifa Tijjani Muhammad Bande alipoendesha mkutano kuhusu siku ya kimataifa ya elimu.
Serikali ya Myanmar leo imeamriwa na mahakama ya haki ya Umoja wa Mataifa ICJ, kuzuia machafuko yanayoweza kusababisha mauaji ya kimbari kwa watu wa kabila la Rohingya ambao ni Waislam wachache na kulinda ushahidi wowote wa uhalifu wa siku za nyuma dhidi ya watu hao.
Zaidi ya watu 200,000 waliopoteza maisha wakati tetemeko kubwa lilipokikumba kisiwa cha Haiti miaka 10 iliyopita leo wameenziwa katika sherehe maalum ya kumbukumbu kwenye makao makuu ya Umoja wa Mataifa jijini New york ikijumuisha pia wafanyakazi 102 wa Umoja wa Mataifa waliopoteza maisha pia ikiwa ni idadi kubwa zaidi ya wafanyakazi kufa katika tukio moja kwenye historia ya Umoja wa Mataifa.
Rais wa Baraza Kuu la Umoja wa Mataifa, Tijjani Muhammad-Bande ambaye alichaguliwa kuchukua wadhifa huo mnamo mwezi Septemba mwaka jana 2019, hii leo jumatatu, awewasilisha kwa nchi wanachama, vipaumbele vyake vya mwaka 2020.
Leo Jumapili Januari 12 ni miaka 10 tangu kutokea tetemeko kubwa kabisa kisiwani Haiti ambalo mbali ya uharibifu wa mali lilikatili maelfu ya maisha ya watu.
Katibu Mkuu wa Umoja wa Mataifa, António Guterres leo Jumatatu amesema migogoro ya mataifa inachangia katika nchi nyingi zaidi kuchukua uamuzi ambao matokeo yake hayatabiriki na yanazua hatari kubwa ya matokeo ya mipango mibovu.
