Katibu Mkuu wa Umoja wa Mataifa Antonio Guterres amesema wakati sasa umewadia kuchukua hatua mpya ili kutokomeza ukatili wa kingono kwenye mizozo, wakati huu ambapo vimeshamiri kuanzia Jamhuri ya Kidemokrasia ya Congo, DRC, Sudan Kusini hadi Myanmar.
Malawi inakuwa nchi ya kwanza kati ya nchi tatu za Afrika kuanza kutumia chanjo mpya ya majaribio dhidi ya malaria, imesema taarifa ya shirika la afya duniani WHO iliyotolewa hii leo mjini Geneva Uswisi.
Familia zilizonusurika na kutawanywa na kimbunga Idai nchini Msumbiji zimeanza kuhamishiwa katika maeneo yaliyo karibu na mahali walikotoka wakati wa zahma hiyo. Kwa mujibu swa shirika la Umoja wa Mataifa la kuhudumia wakimbizi UNHCR zoezi hilo linaendeshwa kwa ushirikiano na serikali ya Msumbiji na washirika wengine .
Baraza la Usalama la Umoja wa Mataifa leo lina mjadala wa wazi kuhusu ukatili wa ngono kwenye mizozo ikiwa ni miaka 10 tangu kupitishwa kwa azimio namba 1888 lililoanzisha wadhifa wa mwakilishi maalum wa Katibu Mkuu kuhusu vitendo hivyo.
Rais wa Baraza Kuu la Umoja wa Mataifa, Maria Fernanda Espinosa kupitia maadhimisho ya siku ya kimataifa ya sayari Dunia yaliyofanyika kwenye Makao Makuu ya Umoja wa Mataifa mjini New York Marekani hii leo, ametoa tahadhari kuwa “dunia yetu iko katika hatari kubwa na sasa ni wakati wa kuijali sayari hii.”
Mkutano wa jukwaa la kudumu kuhusu masuala ya watu wa asili unaanza leo kwenye makao makuu ya Umoja wa Mataifa jijini New York, Marekani ukileta pamoja zaidi ya watu 1,000 wa jamii ya watu asili kutoka kona mbalimbali duniani.
Wakati Umoja wa Mataifa ukieleza kuwa upataji wa huduma za hifadhi ya jamii bado ni changamoto kubwa wa wakazi wengi wa dunia, Tanzania imeamua kuchukua hatua madhubuti kwa kutambua kuwa hifadhi bora ya jamii ni jawabu la siyo tu kupunguza umaskini wa kaya bali pia umaskini katika ngazi ya taifa.
Ukarimu wa Uganda wa kuwapatia maeneo ya kilimo wakimbizi kutoka Sudan Kusini, umewezesha wakimbizi kusaidia jamii zinazowazunguka wakiwemo watoto yatima nchini humo.
Zaidi ya watu 200 wameuawa na mamia kujeruhiwa kufuatia mfululizo wa wa milipuko ndani ya makanisa na hoteli kadhaa nchini Sri Lanka wakati wakristo wakijumuika kwa ajili ya misa ya kusherehekea sikukuu ya Pasaka hii leo.
Katibu Mkuu wa Umoja wa Mataifa Antonio Guterres kupitia taarifa iliyotolewa na msemaji wake hii leo mjini New York Marekani amelaani shambulio dhidi ya walinda amani wa Umoja wa Mataifa lililotekelezwa mapema leo nchini Mali, kuua mlinda amani mmoja na kujeruhi wengine wanne.
