Nchini Niger, mradi wa Benki ya Dunia wa hatua za kijamii za kuchukua hatua kuhimili athari za mabadiliko ya tabianchi, PACRC umesaidia jamii kuweza kutumia mbinu mpya mbunifu na kuhimili athari za mabadiliko ya tabianchi,
Binti Raba Hakim, msomi mkimbizi kutoka Sudan aliyekulia katika kambi ya wakimbizi nchini Ethiopia hatimaye ndoto yake ya kujiunga na chuo kikuu imetimia baada ya kuanza masomo ya Saikolojia katika Chuo Kikuu nchini Kenya chini ya ufadhili wa wakfu wa Mastercard.
Programu ya shirika la Umoja wa Mataifa la mpango wa chakula duniani WFP ya kuwasaidia wakulima wadogo wadogo nchini Kenya kuzalisha, kupika na kuuza viazi vitamu au viazi lishe imeleta nuru hasa kwa wanawake ambao sasa wanaweza kukimu mahitaji ya familia zao na kujiongezea kipato
Watu bilioni 1.3 katika nchi 109 duniani ni maskini wa kila hali na kiwango cha umaskini huo kinatofautiana kikabila, kwa kundi au rangi, hiyo ni kwa mujibu wa uchambuzi mpya kuhusu kiwango cha umaskini wa kila hali duniani ikiwemo kiafya, kielimu na kiwango cha maisha, uliotolewa leo na Umoja wa Mataifa jijini New York, Marekani.
Mkurugenzi Mkuu wa Shirika la Umoja wa Mataifa la afya ulimwenguni, WHO Dkt Tedros Adhanom Ghebreyesus akitangaza pendekezo la WHO la "matumizi mapana ya chanjo ya kwanza ya malaria ulimwenguni," amesema kuwa chanjo iliyosubiriwa kwa muda mrefu "ni mafanikio ya sayansi, afya ya mtoto na malaria."
Leo ni siku ya pamba duniani ikiwa ni maadhimisho ya kwanza kabisa ya siku hiyo kuenzi zao ambalo kitabaa chake kinatengeneza mavazi ya kila siku yaliyosheheni kwenye mkabati mengi ya nguo na ni kitambaa kizuri, rahisi kuvaa, kukitunza na kinadumu kwa muda mrefu. Lakini kwa mujibu wa Umoja wa Mataifa thamani ya pamba ni zaidi ya kitambaa kama inavyofafanua taarifa ya Flora Nducha
Nchini Tanzania shirika la Umoja wa Mataifa la chakula na kilimo duniani, FAO limetambulisha mradi wa FISH4ACP wa kuongeza mnyororo wa thamani ya mazao ya uvuvi katika ziwa Tanganyika mkoani Kigoma baada ya mradi huo unaohusisha nchi 12 za Afrika, Karibea na Pasifiki kuwa na matokeo chanya kwa wavuvi mkoani Kigoma. Devotha Songorwa wa Radio washirika KidsTime FM anafafanua zaidi katika ripoti hii.
Walinda amani kutoka Tanzania, Kikosi cha 8 cha kujibu mashambulizi kinachohudumu katika ulinzi wa amani chini ya mwavuli wa Umoja wa Mataifa nchini Jamhuri ya Kidemokrasia ya Congo, FIB MONUSCO wametunukiwa nishani ya Umoja wa Mataifa katika sherehe zilizopambwa kwa gwaride maalum lililoandaliwa na kikosi hicho. Afisa habari wa TANZBATT8, Kapteni Tumaini Bigambo alikuwepo katika hafla hiyo ana ametuandalia ripoti ifuatayo.
Hali ya kutokuwa na uhakika wa chakula na vita nchini Afghanistan vimeongeza mara dufu tatizo la utapiamlo kwa watoto na kuzusha wasiwasi mkubwa kwa hatama ya watoto hao na familia zao yamesema mashirika ya Umoja wa Mataifa la kuhudumia watoto UNICEF na la mpango wa chakula duniani WFP ambayo sasa yametoa wito wa mshikamano kunusurua taifa hilo.
Nchini Sudan Kusini wakati sasa milio ya risasi inaweza kuwa imepungua katika baadhi ya maeneo ya taifa hilo, jinamizi la vita vya wenyewe kwa wenyewe bado linawaandama hasa kwa kuzagaa kwa manbaki ya silaha za vita kama mabomu ya kutegwa ardhini na vifaa vingine vya mlipuko, ambavyo kwa mujibu wa ofisi ya Umoja wa Mataifa inayochukua hatua dhidi ya mabomu ya kutegwa ardhini UNMAS ni tishio la kila siku kwa maisha ya wanawake, watoto na wanaume kwenye maeneo mbali mbali nchini humo
