Vijana wengi nchini Tanzania wanaelewa kuhusu malengo ya maendeleo endelevu SDGs lakini si wengi wanaofahamu ni kwa namna gani malengo hayo yaliyopitishwa mwaka 2015 yanayahusiana moja kwa moja maisha yao.
Nchini Tanzania kituo cha msaada wa sheria kwa wanawake, WLAC kimekuwa msaada hasa kwenye maeneo ambako bado kuna changamoto kuhusu haki na sheria. WLAC ikiwa inatekeleza majukumu yake katika wilaya 23 za mikoa ya Tanzania inalenga makundi tofauti tofauti hususan wanawake ikiwa ni katika kutekeleza lengo namba 16 la malengo ya maendeleo endelevu, SDGs kuhusu amani, haki na taasisi thabiti. Flora Nducha alizungumza na Mkurugenzi Mtendaji wa WLAC, Wakili Theodosia Muhulo-Nshala ili kuweza kufahamu ni misingi ipi huzingatiwa katika kuanzisha vituo hivyo?
Mji wa Nairobi, nchini Kenya ni kati ya miji inayokua kwa kasi zaidi barani Afrika, lakini suala la mazingira limekuwa changamoto kubwa. Kuanzia uzoaji taka, mifumo ya maji taka na hata ubora wa hewa ni baadhi ya changamoto zinazokumba mji huu. Idadi ya watu inazidi kuongezeka kila kukicha lakini miundo mbinu ya mazingira ni ile ile ya miaka nenda miaka rudi.
Nishati endelevu ni suala ambalo linatathminiwa katika juhudi za kupambana na uchafuzi wa mazingira na athari zake duniani kote. Hili pia linapigiwa chepuo katika lengo namba saba la malengo ya maendeleo endelevu ya Umoja wa Mataifa SDGs au agenda ya 2030.
“Ukweli ni kwamba vijana kuanzia umri wa miaka tisa wanashiriki vitendo vya ngono,” hiyo ni moja ya kauli ya Robert Aseda, kijana kutoka Kenya akiwakilisha asasi ya kiraia kutoka Kenya iitwayo mtandao wa barubaru na vijana Afrika, NAYA.
Umoja wa Mataifa na washirka wake kupittia miradi mbalimbali wamekuwa mstari wa mbele kutoa usaidizi hasa kwa wanawake na watoto walioko katika maeneo ya migogoro ya kivita.
Maeneo oevu ni sehemu muhimu katika suala zima la uhifadhi wa mazingira ambalo linapigiwa chepuo katika Malengo ya maendeleo endelevu (SDGS) hususani lengo namba 15, linalohimiza uhifadhi wa mazingira yakiwemo maeneo oevu pamoja na matumizi endelevu ya misitu na kuzuia kuenea kwa hali ya jangwa.
Katika harakati za kuhakikisha kwamba vijana wanapata ajira sio tu kwa kuajiriwa lakini kwa pia kwa kujiajiri kupitia ubunifu wa biashara mbali mbali, serikali zimeanza kuchukua hatua na kuweka programmu ambazo zinatoa mikopo kwa vijana kwa mfano vikundi kwa ajili ya kufanya biashara.
Lakini kuna changamoto mbali mbali ambazo bado zinakwamisha vijana katika ubunifu huo na kufanya biashara ambazo zinazaa matunda.
Nafasi ya mwanamke iwe katika siasa, uchumi au masuala mengine ya kijamii ni muhimu sana sio tu kwa kumuinua na kumuwezesha mwanamke lakini pia katika kuendeleza jamii kwa mujibu wa Umoja wa Mataifa. Hivi sasa ajenda ya maendeleo endelevu au SDGs ya mwaka 2030, inapigia chepuo uwezeshaji wa wanawake katika kila njia kupitia lengo namba 5. Na nchi mbalimbali zimeanza kuitikia wito huo japo bado kuna baadhi ya nchi mwanamke hana sauti na mchango wake hauthamininiwi.
Rasilimali za baharini hususan zile zilizopo kwenye eneo lililo nje ya ukanda mahsusi wa kiuchumi au Exclusive Economic Zone, EEZ zimekuwa chanzo cha mvutano mkubwa si tu baina ya mataifa bali baina ya mataifa yenye nguvu kiuchumi na yasiyo na nguvu kiuchumi. Hii ni kwa kuzingatia kuwa mkataba wa sasa uliopo kuhusu rasilimali za baharí iwe samaki, matumbawe au chochote kile kipatikanacho baharini unagusia rasilimali zilizo nje ya eneo hilo la EEZ.
