Hapa makao makuu ya Umoja wa Mataifa leo kumefanyika tukio la kila mwaka la kukumbuka wafanyakazi 188 wa chombo hicho waliouawa mwaka 2023 pekee wakiwemo 135 watumishi wa UNRWA waliouawa ukanda wa Gaza kufuatia mashambulizi yaliyoanza Oktoba 7, 2023 baada ya wanamgambo wa Hamas kushambulia Israeli na ndipo Israeli ikaanza kujibu mashambulizi hadi leo hii.
Kufuatia kuzuka kwa ghasia wiki iliyopita huko Malakal, jimbo la Upper Nile, nchini Sudan Kusini, Ujumbe wa Umoja wa Mataifa nchini Sudan Kusini UNMISS unaendelea kuunga mkono juhudi za kulinda raia na kudumisha utulivu kupitia doria kali na kuendeleza kuwasiliana kwa karibu na jamii zilizoathirika na ghasia hizo.
Katibu Mkuu wa Umoja wa Mataifa António Guterres amezungumzia shambulio kwenye shule iliyokuwa inahifadhi wakimbizi wa kipalestina huko Nuiserat, katikati mwa Gaza alfajiri ya Alhamisi kwa saa za Gaza na kusema ni mfano mwingine wa gharama wanayolipa raia wanaohaha kusaka usalama.
Maisha ya watu milioni 32.8 katika eneo zima la Ukanda wa Sahel wameathiriwa na mchanganyiko wa majanga mbalimbali ambayo yanazidisha ukosefu wa utulivu na kuzorotesha hali ya usalama na athari za mabadiliko ya tabianchi na kuwafanya watu wengi kuwa tegemezi wa msaada wa kibinadamu na huduma za ulinzi.
Kiza kikizidi kutanda kwa nchi zinazoendelea kwenye suala la kujikwamua kiuchumi, Katibu Mkuu wa Umoja wa Mataifa na viongozi wengine wa dunia wamejizatiti kuchochea uchumi wa nchi hizo ili hatimaye ziweze kufanikiwa katika kutekeleza malengo ya maendeleo endelevu, SDGs.
Umoja wa Mataifa umethibitisha kuna ongezeko la karibia asilimia 30 ya ukatili dhidi ya Watoto katika Jamhuri ya Kidemokrasia ya Congo DRC kwa kipindi cha miezi mitatu ya kwanza ya mwaka huu ukilinganisha na robo ya mwaka 2023.
Shirika la Umoja wa Mataifa la Kuhudumia Wakimbizi UNHCR, linakadiria kuwa zaidi ya wakimbizi milioni 2.9 duniani kote watahitaji makazi mapya mwaka ujao, kulingana na ripoti ya makadirio ya mahitaji ya wakimbizi mwaka 2025 iliyotolewa leo.
Uhaba mkubwa wa chakula unatarajiwa kuongezeka kwa kiwango na makali katika maeneo 18 yaliyo hatarini zaidi, imesema ripoti mpya ya Umoja wa Mataifa inayotoa maonyo, ikiainisha kuwa ukanda wa Gaza, baa la njaa linanyemelea na kwamba huko Haiti, Sudan, Sudan Kusini na Mali hali ya upatikanaji wa chakula ni tete na kutishia ongezeko la njaa.
Leo ni siku ya mazingira duniani na Umoja wa Mataifa unaisa dunia kuchukua hatua sasa kurejesha Uhai wa ardhi iliyoharibiwa na kujenga mnepo dhidi ya kuongezeka kwa hali ya jangwa na ukame na hiyo ndio kaulimbiu ya siku ya mwaka huu.
Katibu Mkuu wa Umoja wa Mataifa António Guterres asubuhi ya leo saa za New York, Marekani kupitia Hotuba Maalumu kuhusu Hatua Dhidi ya Mabadiliko ya Tabianchi ametahadharisha kuhusu hatari ya wazi ya uwezekano wa ongezeko la joto juu ya nyuzijoto 1.5 za selsiasi linaloukabili ulimwengu ikiwa uzalishalishaji wa hewa chafuzi utaendelea kwa viwango vya sasa.
