Habari Mpya

Katibu Mkuu wa Umoja wa Mataifa Antonio Guterres amelaani mauaji ya jana Januari 15 ambapo aliuawa mlinda amani mmoja wa kutoka Cameroon aliyekuwa anahudumu katika Ujumbe wa Umoja wa Mataifa wa Kulinda amani nchini Jamhuri ya Afrika ya Kati (MINUSCA) na kujeruhiwa kwa watu wengine watano, wawili kati yao wakiwa wamejeruhiwa mno kutokana na mlipuko huko Mbindali, katika Mkoa wa Ouham-Pendé, kaskazini-magharibi mwa Paoua. 

Katibu Mkuu mpya wa shirika la Umoja wa Maytaifa la utabiri wa hali ya hewa duniani WMO Profesa Celeste Saulo amesema kuimarisha mifumo ya tahadhari ya mapema ambayo inafuatilia wakati na lini majanga yanapotokea ni kipaumbele muhimu katika uongozi wake a,mbacho kitasaidia kupunguza hatari ya majanga ya asili ambayo yanachochewa na mabadiliko ya tabianchi.

Ulimwenguni kote kuna watumiaji wa tumbaku bilioni 1.25 kwa mujibu wa makadirio ya yaliyotolewa leoya utafiti wa hivi karibuni wa Shirika la Umoja wa Mataifa la Afya Duniani, WHO, mwelekeo wa tumbaku. 

Siku 100 tangu kuanza kwa mzozo wa Israel na Palestina, Katibu Mkuu wa Umoja wa Mataifa António Guterres leo Januari 15 akizungumza na wanahabari jijini New York Manreakni ametaka "kuachiliwa mara moja na bila masharti kwa mateka wote. "Pia akiongeza kusema mashambulizi dhidi ya Gaza yaliyotekelezwa na vikosi vya Israeli katika siku hizi 100 yamesababisha uharibifu mkubwa na viwango vya mauaji ya raia kwa kiwango ambacho hakijawahi kutokea katika miaka ya uongozi wake kama Katibu Mkuu."

Mratibu wa mfuko wa dharura wa Umoja wa Mataifa CERF bwana Martin Griffiths, leo ametangaza kutenga dola milioni 10 kutoka kwenye mfuko huo kwa ajili ya kuwasaidia wanaume, wanawake na watoto wanaokimbia Sudan na kuingia katika nchi jirani ya Sudan Kusini.

Shirika la Afya la Umoja wa Mataifa Duniani WHO leo limezindua ombi la dola bilioni 1.5 kulinda afya ya watu walio hatarini zaidi katika dharura 41 kote ulimwenguni kwa mwaka 2024.

Takriban miaka miwili sasa tangu majeshi ya Urusi yaanzishe "vita kamili na kuikalia Ukraine, amesema leo mkuu wa Umoja wa Mataifa wa misaada ya kibinadamu na masuala ya dharura Martin Griffiths akitoa ombi la dharura la pamoja na shirika la Umoja wa Mataifa la kuhudumia wakimbizi UNHCR la dola bilioni 4.2 ili kuwasaidia walio hatarini nchini Ukraine.

Ukanda wa Gaza, hospitali nyingi hazina wahudumu wa kutosha kwani wafanyakazi wa sekta ya afya wameondoka kwa sababu ya maagizo ya kuhama au ukosefu wa usalama. Wakati huo huo, njia ambazo zingetumiwa na wagonjwa kufika katika vituo vya afya zimetatizwa na hali mbaya ya usalama.

Zikiwa ni zaidi ya siku 100 tangu kuibuka upya kwa mzozo huko Mashariki ya Kati, mashirika ya Umoja wa Mataifa hii leo yametoa taarifa inayoelezea kuongezeka kwa hatari ya baa la njaa na milipuko ya magonjwa ya kuambukiza huku yakisisitiza muarobaini pekee kwa sasa ni kuruhusu njia mpya za kuingiza misaada ya kwenda kutatua changamoto zinazowakabili wananchi walioko Gaza. 

Shirika la chakula na kilimo la Umoja wa Mataifa FAO limewapiga jeki wafugaji wa nyuki na usindikaji wa mazao ya asali wilayani Nakapiripirit katika jimbo la Karamoja nchini Uganda. Kwa msaada wa vifaa na mafunzo kutoka kwa shirika hilo maisha ya wakulima wa asali wa eneo hilo na familia zao yamebadilika.