Huko Ukraine hii leo imeripotiwa ya kwamba shambulio lililofanywa na jeshi la Urusi kwenye eneo la manunuzi lenye watu wengi mjini Kharkiv limesababisha vifo vya takribani watu wanne. Denise Brown, Mratibu wa Kibinadamu wa Umoja wa Mataifa nchini Ukraine amelaani vikali shambulio hilo na kutaka raia walindwe.
Leo ni siku ya kimataifa ya mpira wa miguu ujulikanao pia kama soka au pia “kabumbu” siku iliyopitishwa na Baraza Kuu la Umoja wa Mataifa tarehe 7 mwezi huu wa Mei kwa kutambua mchango wa mchezo huo katika kusongesha amani dunia na pia katika kufanikisha malengo ya Umoja wa Matiafa ya maendeleo endelevu, SDGs.
Kupitia mipango ya mapema, Shirika la Umoja wa Mataifa la Mpango wa Chakula Duniani (WFP) na wadau wake wanapunguza athari za hali mbaya ya hewa katika nchi zinazokabiliana na njaa.
Nchini Sudan katika maeneo ambayo ni magumu kufikiwa, vituo vya afya vimeharibiwa, kuporwa au kukabiliwa na uhaba mkubwa wa wafanyakazi, madawa, chanjo, vifaa na vifaa. Ni asilimia 30 -20 tu ya vituo vya afya vinasalia kufanya kazi, na hata hivyo katika viwango vidogo, ameeleza leo Msemaji wa Shirika la Umoja wa Mataifa la Afya Duniani, Christina Lindmeier.
Nchini Tanzania, kwa ufadhili wa Shirika la Umoja wa Mataifa la Chakula na Kilimo (FAO) na wadau wake kama Kitovu cha Kuratibu Mifumo ya Chakula cha Umoja wa Mataifa, Kikundi cha Washirika wa Maendeleo ya Kilimo na Lishe, wakulima, sekta binafsi, na watafiti na Taasisi za kitaaluma wamekutana mjini Morogoro ili kupitia na kuboresha vipaumbele na ramani ya mifumo ya chakula iliyoanzishwa mwaka 2021.
Mahakama ya kimataifa ya haki ICJ leo imetoa maamuzi ya kesi ya Afrika Kusini dhidi ya Israel iliyowasilishwa Mei 10 ikiitaka ICJ kuiamuru Israel isitishe mara moja oparesheni zake zote za kijeshi na kuwezesha upatikanaji wa misaada ya kibinadamu. Na tarehe 16 na 17 Mei,kuhusu utekelezaji wa Mkataba wa Kuzuia na Kuadhibu Uhalifu wa Mauaji ya Kimbari katika Ukanda wa Gaza.
Ripoti mpya ya Takwimu za Afya Ulimwenguni iliyotolewa leo na Shirika la Afya la Umoja wa Mataifa Duniani WHO, inaonyesha kuwa janga la COVID-19 limebadilisha mwelekeo wa kuongezeka kwa umri wa watu kuishi wakati wa kuzaliwa na matarajio ya maisha yenye afya wakati wa kuzaliwa HALE.
Waafrika wamejikuta katikati ya migogoro na wanaishi chini ya tishio la ugaidi na itikadi kali Kali Katibu Mkuu wa Umoja wa Mataifa Antonio Guterres leo ameyasema hayo mbele ya wajumbe wa Baraza la Usalama wakati wa mkutano wa Baraza hilo mjini New York Marekani.
Viongozi kutoka Nchi za Visiwa vidogo vinavyoendelea duniani kote watakutana kwenye ufuo wa Antigua na Barbuda mwisho wa wiki hii ili kuja na mpango mpya wa kiujasiri wa kujenga uthabiti katika kuelekea Malengo ya Maendeleo Endelevu ya 2030 (SDGs).
Baraza Kuu la Umoja wa Mataifa hii leo Alhamisi limetenga tarehe 11 Julai kuwa Siku ya Kimataifa ya Kutafakari na Kuadhimisha Mauaji ya Kimbari ya mwaka 1995 huko Srebrenica, ambapo takriban watu 8,372 waliuawa, maelfu wakiyahama makazi yao na jamii nzima kuharibiwa.
