Tayari Rais wa Jamhuri ya Kidemokrasia ya Congo, DRC, Félix Antoine Tshisekedi Tshilombo amethibitisha uchaguzi mkuu utafanyika nchini humo mwishoni mwa mwaka huu kama ilivyopangwa. Sasa ujumbe wa Umoja wa Mataifa wa kulinda amani nchini humo, MONUSCO unaeleza ni hatua gani zimefanyika na zinafanyika ili kuhakikisha uchaguzi huo unakuwa huru,a wahaki na unafanyika kwa amani.
Waziri wa mambo ya nje wa India, Subramaniam Jaishankar, akihutubia kikao cha 78 cha mjadala mkuu wa Baraza Kuu la Umoja wa Mataifa hii leo amesema kuwa katika wakati ambapo dunia inapitia misukosuko isiyo na kifani kuanzia mgawanyiko kati ya ulimwengu wa Mashariki na Magharibi unaoongezeka, na mvutano wa kimataifa baina ya Ulimwengu wa Kaskazini na Kusini kuzidi kuongezeka, diplomasia na mazungumzo ndio suluhisho pekee la ufanisi la kukabiliana na changamoto za sasa.
Wakati ulimwengu kwa sasa unakabiliana na changamoto lukuki zikiwemo vita, athari za mabadiliko ya tabianchi na ukosefu wa chakula, Waziri wa Mambo ya nje na uhusiano wa kimataifa wa Zambia Stanley Kakubo amesema gharama ya vita kwa ubinadamu ni kubwa.
Siku ya Kimataifa ya Kutokomeza Kabisa Silaha za Nyuklia inatukumbusha kwamba wakati ujao wenye amani unategemea kukomeshwa kwa tishio la nyuklia, ndivyo António Guterres, Katibu Mkuu wa Umoja wa Mataifa alivyouanza ujumbe wake mahususi kwa ajili ya siku hii.
Wakati hali ya usalama ikizidi kudhoofika nchini Mali, watoto wanaendelea kulipa gharama ya juu limesema leo shirika la Umoja wa Mataifa linaloshughulika na masuala ya watoto UNICEF.
Leo, ili kusaidia kulinda afya ya Watoto, Shirika la Umoja wa Matafa la Afya Ulimwenguni limetoa machapisho mawili mapya, “Uhuru dhidi ya tumbaku na nikotini: mwongozo kwa shule,” na “zana za shule zisizo na nikotini na tumbaku.”
Waziri wa afya wa Tanzania Ummy mwalimu amesema ana imani kubwa kwamba Tanzania iko mbioni kutimiza lengo la Umoja wa Mataifa la afya kwa wote ifikapo mwaka 2030.
Nchini Jamhuri ya Kidemokrasia ya Congo, DRC matukio ya ukatili wa kijinsia hasa kwenye majimbo yaliyogubikwa na mapigano yamezidi hadi kutoa hofu Umoja wa Mataifa.
"Hatuendi popote, tutaendelea kufuatilia mwenendo wa nyuklia kila mahali", ni ujumbe kutoka kwa mkuu wa shirika la Umoja wa Mataifa la nguvu ya nishati ya atomiki IAEA, Rafael Grossi, kuhusu dhamira ya shirika hilo kuendelea kufuatilia vinu vya nyuklia vya Ukraine wakati huu wa uvamizi unaoendelea wa Urusi lakini pia mwenendo wa nyuklia kwingineko duniani kama vile shughuli za uhakiki wa nyuklia nchini Iran na ufuatiliaji wa mipango ya nyuklia wa DPRK.
Nchi 81 wanachama wa Umoja wa Mataifa zimetia saini mkataba wa kimataifa wa kusimamia bayonuai kwenye Bahari Kuu, BBNJ, ((Biodiversity Beyond National Jurisdiction) mkataba uliopitishwa na nchi wanachama wa Umoja wa Mataifa mwezi Juni mwaka huu.
