Kuanzishwa kwa ujumbe wa kitaifa wa msaada wa usalama nchini Haiti kutajadiliwa wiki hii na Baraza la Usalama la Umoja wa Mataifa wakati taifa hilo la Caribbea likiendelea kukabiliwa na mzozo wa ghasia na ukosesefu wa usalama unaosababishwa na magenge ya kiharifu ambayo yamekita mizizi katika nchi hiyo.
Gad Harindimana, kijana mkimbizi kutoka Rwanda anayeishi katika makazi ya wakimbizi ya Nakivale amepata kazi ya ufundi pikipiki baada ya kukamilisha programu ya Huduma za Ajira Vijijini inayoungwa mkono na Shirika la Umoja wa Mataifa la Kazi Duniani, ILO na shirika lisilo la kiserikali la AVSI Foundation.
Kile nilichoshuhudia ni jamii ya kimataifa iliyojizatiti upya kukamilisha utekelezaji wa malengo ya maendeleo endelevu, SDGs ifikapo mwaka 2030, amesema Rais wa Mkutano wa 78 wa Baraza Kuu la Umoja wa Mataifa, UNGA78, Dennis Francis akizungumza na waandishi wa habari, ikiwa ni mara ya kwanza tangu ashike wadhifa huo.
Baraza la Usalama la Umoja wa Mataifa litoe kauli yake kuhusu mapendekezo yaliyotolewa na Pili mwezi Agosti mwaka huu kwenye ripoti ya Katibu Mkuu wa Umoja wa Mataifa kuhusu kuondoka kwa ujumbe wa Umoja huo wa kulinda amani nchini Jamhuri ya Kidemokrasia ya Congo, DRC, MONUSCO.
Kilimo ni nguzo muhimu ya uchumi na chanzo kikuu cha chakula. Kupata mazao bora na mavuno mengi kunategemea sana ubora wa udongo. Hatua hizi zikichukuliwa kila pembe ya dunia kutasaidia wakulima kuelewa mchanganyiko wa madini na virutubisho katika udongo wao, linaelimisha shirika la Umoja wa Mataifa la Chakula na Kilimo, FAO.
Mwaka mmoja tangu mafuriko makubwa yakumbe Pakistan, bado usaidizi unasuasua na hii leo viongozi waandamizi wa Umoja wa Mataifa wamekutana kwenye kikao maalum na kutoa ahadi za usaidizi zaidi wakati taifa hilo la Asia likiendelea na mchakato mgumu wa kujijenga upya.
Kupunguza upotevu na utupaji wa chakula kuna jukumu muhimu katika kubadilisha mifumo ya kilimo na chakula. Kati ya malengo 17 ya Maendeleo endelevu ya Umoja wa Mataifa ambayo yanafikia kilele mwaka 2030 lengo namba 2 linahimiza kutokomeza njaa, lengo namba 8 linahimiza kazi nzuri na ukuaji wa kiuchumi na lengo namba 12 lina himiza utumiaji na uzalishaji wenye kuwajibika lengo likiwa kuwa na mifumo endelevu ya utumiaji wa rasilimali. Malengo yote haya yanaenda sambamba na harakati za kupunguza upotevu na utupaji wa chakula.
Usafirishaji baharini unapaswa kuangaliwa upya ili kupunguza hewa ya ukaa au kaboni inayochafua mazingira, imesema ripoti mpya iliyotolewa leo na Kamati ya Umoja wa Mataifa ya Maendeleo ya Biashara duniani, UNCTAD.
Mjadala Mkuu wa mkutano wa 78 wa Baraza Kuu la Umoja wa Mataifa ulioanza tarehe 19 mwezi huu wa Septemba umekunja jamvi letu Jumanne tarehe 26 Septemba ambapo viongozi wa dunia wameeleza kuwa ingawa Umoja wa Mataifa unakabiliwa na changamoto za kitaasisi, bado unasalia kuwa jukwaa kuu la kuumba majawabu shida zinazomkabili binadamu hivi sasa.
Waziri wa afya wa Tanzania Ummy mwalimu amesema ana imani kubwa kwamba Tanzania iko mbioni kutimiza lengo la Umoja wa Mataifa la afya kwa wote ifikapo mwaka 2030.
