Katibu Mkuu wa Umoja wa Mataifa Antonio Guterres amelaani vikali mashambulizi ya mabomu ya kujitoa mhanga katika msikiti wa Hangu huko Khyber Pakhtunkhwa na katika maandamano ya kidini huko Mastung, Balochistan, nchini Pakistan.
Shirika la Umoja wa Mataifa la Mpango wa Chakula Duniani WFP linaongeza juhudi zake za kuwasaidia watu wanaowasili kwenye mpaka wa Armenia tangu tarehe 23 Septemba, 2023 ambapo takwimu za hivi karibuni zinaonesha idadi ya wakimbizi imefikia 100,000 kwa mujibu wa Shirika la Umoja wa Mataifa la kuhudumia wakimbizi UNHCR.
Kuanzishwa kwa ujumbe wa kitaifa wa msaada wa usalama nchini Haiti kutajadiliwa wiki hii na Baraza la Usalama la Umoja wa Mataifa wakati taifa hilo la Caribbea likiendelea kukabiliwa na mzozo wa ghasia na ukosesefu wa usalama unaosababishwa na magenge ya kiharifu ambayo yamekita mizizi katika nchi hiyo.
Serikali ya Azerbaijan na Umoja wa Mataifa wamekubaliana juu ya ujumbe wa kwenda eneo la Karabakh mwishoni mwa wiki hii kujionea hali halisi wakati huu ambapo watu wanakimbia kwa hofu ya usalama wao kwenye eneo hilo linalozozaniwa kati ya Azerbaijan na Armenia, nchi ambazo zamani zilikuwa chini ya Muungano wa Kisovieti.
Kifua Kikuu au (TB) ni ugonjwa wa kuambukiza ambao huathiri mapafu na kusababishwa na bakteria. Ugonjwa huu husambazwa kwa njia ya hewa wakati watu walioambukizwa wanapokohoa, kupiga chafya au kutema mate.
Zaidi ya watoto 11,600 walivuka kupitia bahari ya Kati ya Mediterania hadi nchini Italia bila ya kuambatana na wazazi au walezi kati ya mwezi Januari mpaka katikati ya mwezi Septemba 2023 limesema leo shirika la Umoja wa Mataifa la kuhudumia watoto UNICEF.
Sudan imetangaza mlipuko mpya wa kipindupindu katika jimbo la Gedaref ambako kuna wagonjwa 264 wanaohisiwa kuwa na kipundupindu, wanne wamethibitishwa na vifo 16 vinavyohusishwa na ugonjwa huo vimeripotiwa kwa mujibu wa taarifa ya shirika la afya la Umoja wa Mataifa iliyotolewa leo.
Zaidi ya wakimbizi 100,000 kutoka eneo la Karabakh wamekimbilia nchini Armenia katika muda wa chini ya wiki moja na mahitaji ya kibinadamu yanaongezeka, limesema shirika la Umoja wa Mataifa la kuhudumia wakimbizi (UNHCR) hii leo.
Gad Harindimana, kijana mkimbizi kutoka Rwanda anayeishi katika makazi ya wakimbizi ya Nakivale amepata kazi ya ufundi pikipiki baada ya kukamilisha programu ya Huduma za Ajira Vijijini inayoungwa mkono na Shirika la Umoja wa Mataifa la Kazi Duniani, ILO na shirika lisilo la kiserikali la AVSI Foundation.
Jamhuri ya Kidemokrasia ya Congo DRC, mwaka huu wa 2023 iko mbioni kuwa na viwango vya kuvunja rekodi vya ukiukaji mkubwa uliothibitishwa dhidi ya watoto kwa mwaka wa tatu mfululizo, kwa mujibu wa taarifa mpya iliyotolewa Alhamisi mjini Goma na shirika la umoja wa Mataifa la kuhudumia watoto, UNICEF.
