Nchini Jamhuri ya Kidemokrasia ya Congo, DRC ujumbe wa Umoja wa Mataifa wa kulinda amani nchini humo, MONUSCO, kupitia ofisi inayohusika na kutegua mabomu UNMAS, inaendesha kazi ya kuweka alama kwenye silaha za polisi na jeshi la DRC.
Katika siku ya pili na ya mwisho ya ziara yake nchini Somalia Katibu Mkuu wa Umoja wa Mataifa amewapongeza watu wa Somalia akisema licha ya changamoto lukuki zinazowaandama wameendelea kuwa imara na kuonyesha mnepo wa hali ya juu, akiwataka kuendelea kufanya hivyo kwa ajili ya kizazi hiki na kijacho.
Shirika la Umoja wa Mataifa la kuhudumia wakimbizi, UNHCR, likionya kuhusu mgogoro unaoendelea Somalia ambao umesababisha watu kukimbia makazi yao na kwenda kusaka usalama nchini Ethiopia.
Katibu Mkuu wa Umoja wa Mataifa Antonio Guterres akiendeleza utamaduni wa mshikamano na mataifa ya Kiislam wakati wa mwezi mtukufu wa mfungo wa Ramadhan leo amewasili Somalia ambako amesisitiza haja ya jumuiya ya kimataifa kuishika mtono nchi hiyo ya Pembe ya Afrika na kuipunguzia madhila ya kibinadamu na kusaidia juhudi za serikali za kujijenga upya.
Saratani ni muiongoni mwa magonjwa yasiyo ya kuambyukiza ambayo tyanakatili Maisha ya mamilioni ya watu kila mwaka, ndio maana shirika la afya la Umoja wa Mataifa WHO na wadau wengine wa kupambana na saratani wanapigia upatu upimaji wakiamini kwamba siku zote kinga ni bora kuliko kuponya, kwani saratani ikigundulika mapema inatibika na mgonjwa kupona.
Nchini Nepal mradi wa BRIDGE unaotekelezwa na shirika la Umoja wa Mataifa la kazi duniani, ILO umewezesha familia moja ya kimaskini kuondokana na sio tu kutumikishwa kwenye ajira za kitumwa bali pia kuepusha baba wa familia kuondokana na kwenda nchi za nje kusaka vibarua.
Leo ni siku ya afya duniani ujumbe ukiwa ni Afya kwa Wote ambapo walinda amani wa Umoja wa Mataifa kutoka Tanzania wanaohudumu kwenye ujumbe wa Umoja wa Mataifa wa kulinda amani nchini Jamhuri ya kidemokrasia ya Congo, DRC, MONUSCO, wametumia siku hii kuwapima magonjwa yasiyo ya kuambukiza, NCDs, wakazi wa Beni-Mavivi jimboni Kivu.
Kikosi cha sita cha walinda amani wa Umoja wa Mataifa kutoka Tanzania wanaohudumu chini ya ujumbe wa Umoja wa Mataifa wa kulinda amani nchini Jamhuri ya Afrika ya Kati – MINUSCA wametoa huduma ya maji safi na salama kwa vijiji vinavyokabiliwa na uhaba wa maji mjini Berberati mkoa wa Mambéré-Kadéï.
Mfuko wa Umoja wa Mataifa wa kuchagiza elimu kwenye maeneo ya mizozo, Education Cannot Wait, ECW, au Elimu Haiwezi Kusubiri umetangaza nia yake ya kupanua uwekezaji nchini Colombia kwa kuwekeza dola milioni 12 ili uweze kuwafikia watoto wengi zaidi raia wa Colombia na wakimbizi kutoka nchini Venezuela.
Hivi karibuni shirika la Umoja wa Mataifa la Hali ya Hewa duniani, WMO kupitia kamati yake inayosimamia masuala ya vimbunga liliondoa katika orodha ya vimbunga ya kitropiki kwenye bahari ya Atlantiki majina Fiona na Ian. WMO kupitia taarifa yake hiyo iliweka bayana sababu za uamuzi huo kuwa ni madhara makubwa yaliyosababisha vimbunga hivyo huko Amerika ya Kati, Karibea, Marekani na Canada
