Akiwa njiani kulekea kuelekea Sudan, baada ya kutakiwa kufanya hivyo na Katibu Mkuu wa Umoja wa Mataifa, Mratibu Mkuu wa Umoja wa Mataifa wa misaada ya dharura, Martin Griffiths ametoa taarifa leo 30 Aprili 2023 akitaka mapigano yakome kwa kuwa janga la kibinadamu nchini humo limefikia hali mbaya.
Kutokana na kuendelea kuzorota kwa hali ya kibinadamu nchini Sudan, Katibu Mkuu wa Umoja wa Mataifa Antonio Guterres amemtuma Mratibu Mkuu wa Umoja wa Mataifa kuhusu misaada ya dharura Martin Griffiths kwenda haraka eneo hilo.
Ikiwa leo ni siku ya muziki wa jazi duniani, Mkurugenzi Mkuu wa shirika la Umoja wa Mataifa la Elimu, Sayansi na Utamaduni, UNESCO, Audrey Azoulay ametoa ujumbe wake kwa kukumbusha jinsi karne moja iliyopita, mwanamuziki Joe Oliver al-maaruf King na bendi yake ya Creole, alivyotoa wimbo wake ambamo kwao tarumbeta na buruji alizotumia zilikuwa ndio kichocheo cha mustakabali wa muziki wa jazi hadi hii leo.
Kundi la kwanza la watu wanaohamishwa kutoka Sudan liliwasili katika uwanja wa ndege wa kimataifa wa Hassan Djamous wa N’Djamena nchini Chad jana jioni (27.04) katika safari mbili maalum za ndege zilizokodishwa na mamlaka ya Chad. Kundi hilo lijumuisha wanaume 116 na wanawake 110, na 39 kati yao walikuwa ni watoto.
Mwambata jeshi wa Tanzania anayehudumu kazi yake Jamhuri ya Afrika ya kati Brigedia Jenerali Absolomon Lyanga Shausi amefanya ziara ya kutembelea kikosi cha walinda amani wa Tanzania TANBAT6 wanaohudumu chini ya ujumbe wa Umoja wa Mataifa wa kulinda amani nchini Jamhuri ya Afrika ya Kati MINUSCA ili kujitambilisha tangu kikosi hicho kianze shughuli ya ulinzi wa amani kikipokea majukumu kutoka kwa kikosi cha TANBAT5 mwishoni mwa mwaka jana.
Raia nchini Sudan wakiwemo wakimbizi wa ndani na wakimbizi kutoka nje ya nchi hiyo wanahaha kusaka usalama na wanakabiliwa na madhara makubwa kutokana na mapigano yanayoendelea, huku huduma nyingi za kiutu zikilazimika kusitishwa, yamesema mashirika ya Umoja wa Mataifa yanayotoa huduma za kiutu nchini humo.
Katika azimio la kihistoria, Baraza la Usalama la Umoja wa Mataifa hii leo Alhamis limelaani uamuzi wa watawala wa Afghanistan wa kupiga marufuku wanawake raia kufanya kazi katika Umoja wa Mataifa, likiwataka viongozi wa Taliban "kubadili haraka" uamuzi wao.
Taarifa za sitisho la mapigano Sudan zikipokelewa kwa shangwe, shirika la Umoja wa Mataifa la afya duniani, WHO, Kanda ya Mediteranea Mashariki limeyataka makundi yanayozozana kuondoka kwenye maabara kuu ya afya ya umma nchini humo kwa kuwa kitendo hicho kinahatarisha kusambaa kwa vijidudu hatari vya magonjwa vilivyohifadhiwa kwenye maabara hiyo.
Shirika la Umoja wa Mataifa la chakula na kilimo duniani FAO, linasema kilimo hifadhi ni moja ya teknolojia za kilimo stahimilivu dhidi ya mabadiliko ya tabianchi.
Hii leo ikiwa ni siku ya kimataifa ya wasichana katika TEHAMA, uchambuzi uliotolewa leo na shirika la Umoja wa Mataifa la kuhudumia watoto UNICEF unasema asilimia 90 ya wasichana vijana na barubaru hawatumii mtandao wa intaneti hasa katika nchi za kipato cha chini wakati wenzao wa kiume wana fursa karibu mara mbili ya kuwa mtandaoni.
