Ingawa mizozo ya kimataifa inayoendelea inadhoofisha mafanikio ya maendeleo yanayopiganiwa kwa bidii, "sasa si wakati wa kukata tamaa", Naibu Katibu Mkuu wa Umoja wa Mataifa Amina Mohammed amewaambia mawaziri wa Afrika na watunga sera waliokutana mjini Niamey, Niger, hii leo.
Ukanda wa Pembe ya Afrika ukiingia msimu wa sita bila mvua, ukimbizi wa ndani unazidi kushamiri kwa kuwa mamilioni ya watu kutoka Somalia, Ethiopia na Kenya wanaendela kuhaha katikati ya uhaba wa maji, njaa, ukosefu wa usalama na mizozo, amesema Olga Sarrado, msemaji wa shirika la Umoja wa Mataifa la kuhudumia wakimbizi UNHCR akizungumza na waandishi wa habari hii leo huko Geneva, Uswisi.
Kwa kutumia hukumu ya kifo dhidi ya waandamanaji, inaonekana mataifa yanapitisha mkakati unaokusudiwa kurejesha hofu miongoni mwa watu wanaoasi, ukandamizaji wa upinzani na kupiga marufuku matumizi halali ya uhuru, ameonya leo Kamishina mkuu wa haki za binadamu wa Umoja wa Mataifa huko Geneva Uswisi.
Lugha na utamaduni vina muingiliano katika maisha ya kila siku. Hii ni kwa sababu vyote ni vipengele muhimu vya kujieleza katika jamii.
Wananchi wa Kijiji cha Difolo katika viunga vya mji wa Berberati mkoa wa Mambéré-Kadéï nchini Jamhuri ya Afrika ya Kati, CAR wamewashukuru walinda amani wa kikosi cha 6 kutoka Tanzania kinachohudumu chini ya ujumbe wa Umoja wa Mataifa wa kulinda amani nchini humo (MINUSCA) baada ya wanalinda amani hao kuwafundisha wananchi hao kulima kwa kutumia jembe la mkono badala ya kulima kwa kutumia panga.
Shirika la afya la Umoja wa Mataifa duniani WHO limesema Msumbiji leo imeanza kampeni ya chanjo ya kipindupindu inayolenga takriban watu 720,000 katika wilaya nane huku nchi hiyo ikichukua hatua za kudhibiti kusambaa kwa mlipuko huo ambapo hadi sasa wagonjwa 5260 na vifo 37 vimerekodiwa tangu kuzuka Septemba 2022.
Wahisani wa kimataifa wanakutana leo mjini Geneva Uswis kwa ajili kutanabaisha kuhusu zahma ya kibinadamu inayoendelea nchini Yemen na kuchangisha fedha za kufadhili operesheni za kibinadamu nchini humo. Mkutano huo wa ngazi ya juu wa kuchangisha fedha kwa ajili ya Yemen umeandaliwa na Katibu Mkuu wa Umoja wa Mataifa na serikali za Sweden na Uswis.
Nchini Kenya, mradi wa shirika la Umoja wa Mataifa la kazi duniani, ILO wa ubia wa maendeleo kati ya sekta ya umma na binafsi, PPDP umewezesha wanawake wa jamii ya kimasai katika eneo la Rift Valley kujiinua kiuchumi na kijamii.
Katibu Mkuu wa Umoja wa Mataifa Antonio Guterres amezungumza katika ufunguzi wa mkutano wa 52 wa Baraza la Umoja wa Mataifa la Haki za Binadamu huko Geneva, Uswisi hii leo na kusema Tamko la Haki za Binadamu linatimiza miaka 75 mwaka huu huku likishambuliwa kila upande.
Katibu Mkuu wa Umoja wa Mataifa Antonio Guterres pamoja na mashirika yanayohudumia wakimbizi na wahamiaji wametaka hatua za dharura zichukuliwe kuhakiksha kuna njia salama za safari na uokozi majini baada ya watu takribani 45 kufa maji jumapili karibu na pwani ya Crotone nchini Italia.
