Habari Mpya

Nchini Sri Lanka, serikali na mradi wa pamoja wa Umoja wa Mataifa kwa ajili ya amani kupitia shirika la Umoja wa Mataifa la kazi duniani, ILO, wanatekeleza mradi wa kuinua jamii za watamil ambazo zimerejea kwenye makazi yao baada ya mzozo wa muda mrefu kaskazini mwa nchi hiyo, mradi ambao unawezesha jamii kujumuika tena na kushiriki kwenye shughuli za kiuchumi na kuinua kipato chao baada ya mzozo uliodumu kwa takribani miaka 25.

Wakati umefika wa kuhakikisha afya ya akili kwa wote inakuwa ni kipeumbele cha kimataifa amesema hii leo Katibu Mkuu wa Umoja wa Mataifa Antonio Guterres akikisitiza kwamba hicho ni kipaumbele chake katika Umoja wa Mataifa na anafahamu kuwa ni changamoto kubwa kote duniani kushughulikia suala la afya ya akili. Flora Nducha na taarifa kamili 

Nchi wanachama wa shirika la kimataifa la usafiri wa anga (ICAO) Ijumaa wamepitisha lengo la muda mrefu la kutozalisha kabisa hewa ukaa ifikapo mwaka 2050, kufuatia wiki mbili za za mkutano wa kikao cha kidiplomasia cha 41 cha Baraza kuu la shirika hilo.

Katibu Mkuu wa Umoja wa Mataifa amesema bado ana wasiwasi mkubwa kuhusu hali ya Haiti, ambayo inakabiliwa na mlipuko wa ugonjwa wa kipindupindu huku kukiwa na kuzorota kwa hali ya usalama ambayo imeilemaza nchi hiyo. 

Oktoba 8 kila mwaka ni siku ya Ndege wanaohama duniani. Mwaka huu siku hiyi imejikita katika katika tatizo la mwanga wa bandia wa taa ambayo unaleta tishio kubwa kwa ndege, kwani unaongoza kwa kuchanganyikiwa kwao wakati wa usiku ndege hao wanaposafiri na kuharibu mwelekeo wao  wakati wanapohama kwenda umbali mrefu.

Ofisi ya Haki za Binadamu ya Umoja wa Mataifa, OHCHR kupitia Msemaji wake Seif Magango akiwa jijini Nairobi, Kenya leo Ijumaa amesema wanakaribisha taarifa za mamlaka za kijeshi kwamba zitaheshimu "ahadi za kimataifa za nchi, ikiwa ni pamoja na zile zinazohusiana na kukuza na kulinda haki za binadamu,” lakini wanasalia na wasiwasi kwamba madai mengi ya ukiukaji wa haki za binadamu yanaendelea kuripotiwa kutoka sehemu nyingi za nchi. 

Kamati ya tuzo ya amani ya Nobel ya Norway leo imetangaza washini wa tuzo ya amani ya Nobel kwa mwaka 2022 kuwa ni "Mtetezi wa haki za binadamu Ales Bialiatski kutoka Belarus, shirika la haki za binadamu la Urusi Memorial na shirika la haki za binadamu la Ukraine Center for Civil Liberties ambao wanawakilisha jumuiya za kiraia katika nchi zao.” 

Balozi wa vijana wa Jumuiya ya Afrika Mashariki, EAC, Jessica Mshama ambaye hivi karibuni alishiriki mkutano wa Umoja wa Mataifa kuhusu marekebisho ya elimu kwenye Umoja wa Mataifa jijini New York, Marekani, amesema ujumbe wake kwa vijana ni kwamba “kesho yetu ni bora kuliko jana.”

Hii leo Baraza Kuu la Umoja wa Mataifa limepitisha azimio la kuonesha mshikamano na kufanikisha usaidizi kwa serikali na watu wa Pakistani ikiwemo misaada ya kibinadamu, ukarabati na ujenzi mpya sambamba na kuepusha majanga zaidi iwapo taifa hilo litakumbwa na janga kama la sasa.

Pamba ina mchango mkubwa kwa maendeleo ya jamii na uchumi wa mataifa mbalimbali duniani, hivyo hatua Madhubuti zinahitajika kuhakikisha zao hilo linaendelezwa na wakilima wake kulindwa dhidi ya changamoto lukuki ikiwemo mabadiliko ya tabianchi limesema shirika la chakula na kilimo la Umoja wa Mataifa FAO.