Habari Mpya

Msururu wa majanga yasiyo na huruma yanazidi kukumba wananchi wa Haiti kila uchao na kusababisha taifa hilo kuwa katika mkwamo,yameonya mashirika mawili ya Umoja wa Mataifa lile la chakula na kilimo duniani, FAO na la mpango wa chakula duniani, WFP kupitia taarifa yao waliyoitoa leo hii kutoka mji mkuu wa Haiti, Port- au- Prince. Mashirika hayo yanasema nusu ya wananchi wa Haiti wanakabiliwa na uhaba mkubwa zaidi wa chakula.

Shirika la afya duniani WHO limetoa rai ya kuhakikisha fursa ya huduma za macho zilizo bora, jumuishi na kwa wote zinapatikana wakati huu ambapo takriban watu bilioni 2.2 kote duniani wanaishi na changamoto ya uoni hafifu au upofu. Taarifa zaidi inasomwa na Happiness Pallangyo wa Radio washirika Uhai FM. 

Shirika la Umoja wa Mataifa linaloshughulika na masuala ya watoto UNICEF nchini Zambia kwa kushirikiana na serikali ya Zambia na Taasisi ya Hampel wanaendesha programu iitwayo Catch Up yenye lengo la kuwasaidia wanafunzi wa shule za msingi nchini humo kupata matokeo bora ya masomo ya hisabati na kusoma hususan wale waliokuwa na ufaulu mdogo wa masomo hayo na sasa matokeo chanja yameanza kuonekana.

Benki ya Dunia imepunguza utabiri wake wa ukuaji wa uchumi kwa 2023 kutoka asilimia 3 hadi asilimia 1.9, nakusema dunia iko karibu na mdororo wa uchumi.

Ripoti mpya kutoka ofisi ya Umoja wa Mataifa ya Kupunguza hatari za majanga UNDRR na Shirika la Umoja wa Mataifa la Hali ya Hewa Duniani WMO iliyochapishwa hii leo, imeonya kuwa nusu ya nchi zote duniani kuwa hazina mifumo ya kutoa taarifa za mapema kuhusu majanga.

Nchini Msumbiji, Benki ya Dunia inatekeleza mradi wa usimamizi bora wa ardhi, ILM,  unaolenga siyo tu kupanda miti na kulinda mmomoyoko bali pia kujenga usawa wa kijinsia, mradi ambao tayari umeanza kuzaa matunda huko jimboni Zambezia. 

Dunia ipo hatarini kuingia katika mwaka mwingine wenye uhaba wa chakula wakati huu ambapo watu wengi tayari wanazidi kuingia katika dimbwi la  uhaba wa chakula, limeonya shirika la Umoja wa Mataifa la Mpango wa Chakula duniani WFP ambalo limetoa wito wa hatua za haraka kuchukuliwa kushughulikia mzizi wa tatizo hili wakati dunia ikielekea kuadhimisha siku ya chakula duniani hapo Oktoba 16.

Baraza Kuu la Umoja wa Mataifa limepitisha azimio siku ya Jumatano linaloitaka Urusi kubatilisha "jaribio lake la kutaka kunyakua kiharamu maeneo manne ya Ukraine kufuatia kinachojulikana kama kura za maoni za kinyume cha sheria".

Mkurugenzi mkuu wa shirika la afya duniani amesema shirika hilo linaendelea kuisaidia serikali ya Uganda kukabiliana na mlipuko wa hivi karibuni wa Ebola katika wilaya tano. 

Mratibu wa Masuala ya Kibinadamu nchini Sudan, Khardiata Lo N’Diaye hii leo akizungumzia kuhusu kuhamishwa kwa wakimbizi wa ndani (IDPs) kuelekea Jimbo la White Nile ametoa shukrani kwa serikali ya Jimbo la White Nile na “muhimu zaidi, jumuiya za Kosti na Rabak. Wametoa makazi na usaidizi unaohitajika kwa watu hawa waliofurushwa, zaidi ya watu 19,000 kati yao waliishi katika White Nile.”