Viongozi waliokutana katika mkutano wa Muungano wa Afrika mjini Lusaka, Zambia hii leo wameahidi kuunga mkono mpango wa ‘Education Plus’ wakijitolea kuchukua hatua ya kuwafanya wasichana kubaki shuleni, jambo ambalo litapunguza kwa kiasi kikubwa uwezekano wao wa kuambukizwa Virusi Vya UKIMWI, VVU.
Wataalamu huru wa Umoja wa Mataifa hii leo wameyataka mataifa ya Morocco na Hispania kuhakikisha uchunguzi huru unafanyika na hatua kuchukuliwa kwa wale waliohusika na vifo vya waafrika 23 waliokuwa wakijaribu kuvuka mpaka wa Melilla unaotenganisha nchi hizo mbili wakitaka kwenda ulaya.
Mtaalamu wa Umoja wa Mataifa kuhusu haki za watu wa jamii ya asili amepongeza uamuzi wa Mahakama ya Afrika ya Haki za Binadamu wa kuagiza serikali ya Kenya illipe fidia watu wa jamii ya asili ya Ogiek nchini humo kwa machungu na ubaguzi waliokumbana nao nchini humo.
Ujumbe wa Umoja wa Mataifa wa kulinda amani nchini Sudan Kusini, UNMISS umekaribisha hatua zilizochukuliwa na serikali ya Sudan Kusini za kufuatilia na kutaka uwajibikaji kwa manusura wa ukatili wa kingono huko Yei, jimboni Equatoria ya kati.
Wakati dunia hii leo ikiadhimisha siku ya Kimataifa ya Nelson Mandela, Katibu Mkuu wa Umoja wa Mataifa Antonio Guterres amesema kiongozi huyo wa zamani wa Afrika Kusini ameonyesha kila mtu kila mahali anao uwezo na wajibu wa kujenga maisha bora ya baadae ya wote.
Wakuu wa mashirika ya kimataifa likiwemo Shirika la Umoja wa Mataifa la Chakula na Kilimo, FAO, Shirika la Fedha la Kimataifa, IMF, Benki ya Dunia, Shirika la Umoja wa Mataifa la mpango wa chakula duniani, WFP, Shirika la Biashara Duniani, WTO wametoa tamko la pamoja hii leo kuhusu janga la Uhakika wa Chakula Duniani na hatua za kuchukua kuepuka hali kama hii ya sasa kwa siku zijazo.
Ujumbe wa Umoja wa Mataifa wa kulinda amani nchini Sudan Kusini, UNMISS umeelezea masikitiko yake makubwa kutokana na vitendo vya uporaji wa mifugo vinavyoambatana na mauaji ya raia na utekaji nyara katika jimbo la Equatoria Mashariki nchini humo.
Kufuatia kujiuzulu kwa Rais wa Sri Lanka Gotabaya Rajapaksa, Mratibu Mkazi wa Umoja wa Mataifa nchini humo Hanaa Singer-Hamdy, amesihi wadau wote wahakikishe kuwa kuna kipindi cha mpito kuelekea serikali kamili na kiwe cha amani na kiheshimu Katiba ya Sri Lanka.
Botswana inatarajiwa kuwa nchi ya kwanza barani Afrika kufikia malengo ya kutafiti, kugundua na kuwapatia matibabu wanaogundulika kuwa na UKIMWI, yaliyowekwa na Baraza kuu la Umoja wa Mataifa miaka minane kabla ya muda uliowekwa.
Wataalamu wa ubaguzi na ubaguzi wa rangi wa Umoja wa Mataifa wamelaani kuongezeka kwa vitendo vya ubaguzi dhid ya raia wa kigeni nchini Afrika kusini na kutaka nchi hiyo ihakikishe kuna uwajibikaji dhidi ya ubaguzi kwa wageni, kauli za chuki na ubaguzi wa rangi.
