Habari Mpya

Tanzania imeridhia mikataba yote muhimu ya kimataifa ya kuzuia ajira kwa watoto na imeendelea kutekeleza mipango ya kuwaondoa watoto katika mazingira magumu kama hayo. Kwa msaada wa wadau mbalimbali - kama vile Umoja wa Mataifa kupitia shirika lake la kazi duniani, ILO, mashirika yasiyo ya kiserikali na mashirika ya kiraia - sheria na sera zilizopo zimebadilishwa ili kutoa haki bora na ustawi.

Shirika la Umoja wa Mataifa la mpango wa chakula duniani, WFP limesema limelazimika kusitisha mgao wa chakula Sudan Kusini kutokana na ukata, hali ambayo itaacha theluthi moja ya wakazi wa taifa hilo changa zaidi duniani bila uhakika wa chakula na wengine milioni 1.7 hatarini kufa kwa njaa.

Kamishna Mkuu wa Umoja wa Mataifa anayehusika na masuala ya wakimbizi duniani, Filippo Grandi, ametupilia mbali pendekezo la serikali ya Uingereza la kuhamishia Rwanda  wasaka hifadhi wanaokwenda nchini humo huku akisema makubaliano hayo ya kando kati ya nchi mbil hizo ni makosa. 

Fursa za watu wenye  ulemavu duniani kupata ajira zinazidi kuwa finyu wakati huu ambapo takwimu za shirika la Umoja wa Mataifa la kazi duniani, ILO zinakadiria uwepo wa watu bilioni 1 wenye ulemavu duniani saw ana asilimia 15 ya wakazi wote wa dunia. 

Kamishna Mkuu wa Umoja wa Mataifa kuhusu haki za binadamu, Michelle Bachelet amehutubia mkutano wa 50 wa Baraza la Haki za Binadamu la chombo hicho akitoa tathmini ya maendeleo ya haki za binadamu duniani kote wakati huu ambao amesema ni wa changamoto kubwa katika kusongesha haki hizo. 

Tuzo ya kila mwaka ya shirika la Umoja wa Mataifa la idadi ya watu na afya ya uzazi, UNFPA ambayo hutolewa kwa mtu binafsi na shirika au taasisi inayojikita katika kuboresha afya ya uzazi kwa wanawake, pamoja na afya ya akina mama na wajawazito, mwaka huu imeenda kwa Emma Theofelus ambaye ni Naibu Waziri wa Habari wa sasa nchini Namibia na mshindi wa kwanza mwenye umri mdogo zaidi kuwahi kupata tuzo hiyo.

Ikiwa leo dunia inaadhimisha siku ya kimataifa ya kuelimisha jamii kuhusu watu wenye ualbino, Umoja wa Mataifa umetoa  rai kwa nchi zote duniani kuwajumuisha watu wenye ualbino katika mijadala na mipango inayoathiri haki zao za kibinadamu, ili kuhakikisha wanafurahia usawa na ulinzi unaotolewa kwao katika sheria na viwango vya kimataifa.

Leo tarehe 12 Juni, kama ilivyo ada ya kila mwaka, jumuiya ya kimataifa inaungana na kusema hapana kwa ajira ya watoto. Licha ya kupungua kwa idadi ya watoto wanaofanya kazi katika miongo miwili iliyopita, maendeleo kuelekeza kutokomeza ajira kwa watoto yalitatizwa katika kipindi cha mwaka 2016 hadi 2020. 

Msemaji wa Katibu Mkuu wa Umoja wa Mataifa Stéphane Dujarric hii leo mjini New York, Marekani amesema Umoja wa Mataifa unasikitishwa na kuzorota kwa hali ya usalama mashariki mwa Jamhuri ya Kidemokrasia ya Congo, DRC. 

Mwaka mmoja tangu kupitishwa kwa azimio jipya la kisiasa kuhusu Virusi Vya Ukimwi, VVU na UKIMWI, ni dhahiri shahiri kuwa ushirikiano baina ya nchi wanachama wa Umoja wa Mataifa ni muhimu ili kufanikisha utekelezaji wa azimio hilo.