Habari Mpya

Changamoto kuu ya kujifunza na elimu ya watu wazima kote ulimwenguni ni kufikia wenye uhitaji zaidi. Huo ndio ujumbe muhimu wa Ripoti ya Tano ya kimataifa ya shirika la Umoja wa Mataifa la elimu, Sayansi na Utamaduni, UNESCO kuhusu Mafunzo na Elimu ya Watu Wazima (GRALE 5) ambayo imewekwa wazi leo tarehe 15 Juni 2022 katika Mkutano wa Saba wa Kimataifa wa Elimu ya Watu Wazima huko Marrakech, Morocco. 

Leo ni siku ya kuhamasisha kupinga unyanyasaji dhidi ya wazee na katika kuadhimisha siku hii Shirika la Umoja wa Mataifa la Afya ulimwenguni WHO na wadau wake wamechapisha vipaumbele vitano vitakavyosaidia kuzuia na kukabiliana na unyanyasaji wa wazee na hivyo kuchangia katika kuboresha afya, utawi na utu wao.

Katibu Mkuu wa Umoja wa Mataifa Antonio Guterres amelaani vikali shambulizi la usiku wa tarehe 11 mwezi huu wa Juni huko mji wa Seytenga mkoa wa Sahel nchini Burkina Faso lililosababisha vifo miongoni mwa rai ana wengine kadhaa wamekimbia makazi yao. 

Katibu Mkuu wa Umoja wa Mataifa Antonio Guterres amesema pamoja na kuwepo kwa maazimio na sheria nyingi za kuhimiza usawa kwenye jamii, wanawake na wasichana kila kona ya dunia wanaendelea kuteseka, kunyanyasika na kuonewa na yote haya ni kutokana na kuwepo kwa mizizi ya mfumo dume na uchu wa madaraka.

Kamisheni iliyoundwa na Baraza la Umoja wa Mataifa la Haki za Binadamu kuchunguza madai ya ukiukwaji wa haki za binadamu na sheria za kimataifa za kibinadamu nchini Ukraine imetoa ripoti ya ziara yake ya kwanza nchini Ukraine na kusema ingawa haiko katika nafasi ya kuwa na vigezo vya kisheria au matokeo kamilifu, taarifa za awali zinadokeza kuweko kwa ukiukwaji mkubwa wa haki za binadamu na sheria za kimataifa za kiutu. 

Nchini Jamhuri ya Kidemokrasia ya Congo, DRC shirika la Umoja wa Mataifa la kuhudumia watoto, UNICEF limetembelea eneo la Rutshuru jimboni Kivu Kaskazini ili kutathmini hali ya mahitaji ya watoto na familia zao baada ya kufurushwa na kuhamia kwenye kambi za muda kufuatia mashambulizi kutoka vikundi vilivyojihami. 

Shirika la Umoja wa Mataifa la Afya ulimwenguni WHO limetoa taarifa ya kupungua kwa asilimia 90 kwa vifo vitokanavyo na ugonjwa wa COVID-19, mwongozo wa chanjo dhidi ya ugonjwa wa Monkeypox na kueleza suala la utapiamlo katika pembe ya Afrika likisema umefika katika ngazi ya 3 ikiwa ni ngazi ya juu zaidi katika viwango vya shirika hilo. 

Hali ya haki za kibinadamu nchini Myanmar imeendelea kuzorota kwa kasi, amesema Kamishna Mkuu wa Umoja wa Mataifa kuhusu haki za binadamu, Michelle Bachelet akizungumza mjini Geneva Uswisi hii leo kwenye mkutano wa 50 wa Baraza la Haki za binadamu.  

Mkutano wa 15 wa nchi wanachama wa Mkataba wa Kimataifa wa Haki za Watu wenye Ulemavu, CRPD umeanza leo kwenye makao makuu ya Umoja wa Mataifa jijini New York, Marekani kwa lengo la kutathmini miaka 15 tangu kupitishwa kwa mkataba huo ulioridhiwa na mataifa 185.

Mtu ambaye miaka michache iliyopita alikuwa amefikia kuikatia tamaa jinsia yake kutokana na changamoto za hedhi, ameibuka kuwa moja ya mihimili muhimu kwa wasichana wenzake katika taifa lake la Namibia.