Tarehe 20 mwezi huu wa Juni ilikuwa ni siku ya wakimbizi duniani ambapo Idhaa ya Kiswahili ya Umoja wa Mataifa ilipata fursa ya kuzungumza na wakimbizi wa Jamhuri ya Kidemokrasia ya Congo, DRC walioko nchini Uganda.
Mashirika manne ya Umoja wa Mataifa hii leo yamezindua apu iitwayo SunSmart Global UV, ya kumjulisha mwenye simu janja wakati wa kupaka mafuta mwilini ili kuzuia mionzi aina ya Ultraviolet au UV inayoharibu ngozi na macho.
Hakuna shaka kwamba utupaji na upotevu wa chakula, umekuwa ukidhoofisha uendelevu wa mifumo yetu ya chakula. Katika jitihada za kukabiliana na hili, baadhi ya makampuni ya biashara ndogo ndogo duniani kote yanaweka mkazo katika mbinu mpya endelevu za usimamizi wa taka.
Mfuko wa kimataifa wa Umoja wa Mataifa kuhusu elimu kwenye maeneo yenye dharura na majanga, ECW umetoa ripoti ya kutisha hii leo ikidokeza kuwa idadi ya watoto wenye umri wa kwenda shule, ambao wameathirika na majanga na hivyo kuhitaji msaada wa kielimu imeongezeka kutoka milioni 75 mwaka 2016 hadi milioni 222 hii leo.
Zaidi ya wakimbizi milioni 2 mwaka ujao WA 2023 watahitaji kuhamishiwa nchi ya tatu ikiwa ni ongezeko kwa asilimia 36 ikilinganishwa na mahitaji ya mwaka huu ambayo ni wakimbizi milioni 1.5 pekee, limesema shirika la Umoja wa Mataifa la kuhudumia wakimbizi, UNHCR kupitia tathmini ya makadirio ya kuhamia nchi ya tatu kwa mwaka 2022.
Kamishna Mkuu wa shirika la Umoja wa Mataifa la Kuhudumia Wakimbizi, UNHCR, Filippo Grandi, ameadhimisha Siku ya Wakimbizi Duniani nchini Côte d'Ivoire, pamoja na wakimbizi wa zamani ambao wamerejea nyumbani kabla ya kumalizika rasmi kwa hadhi ya ukimbizi kwa raia hao baadaye mwezi huu.
Juhudi za kutokomeza ugonjwa wa Malale au human African trypanosomiasis (HAT), zinaendelea kuonesha maendeleo bora, kulingana na malengo yaliyowekwa katika mpango wa shirika la Umoja wa Mataifa la afya ulimwenguni, WHO, ya mwaka 2030 ya kudhibiti na kutokomeza magonjwa ya kitropiki yaliyopuuzwa.
Kutana na wakimbizi Bahati Hategekimana kutoka Rwanda, Micheline Muhima kutoka Uganda na Agnes Mude kutoka Sudan Kusini ambao wote walikuwa wakiishi kwenye kambi ya wakimbizi ya Kakuma nchini Kenya, lakini sasa kupitia mradi wa majaribio wa kuthamini mchango wa wakimbizi EMPP, unaoendeshwa na shirika la Umoja wa Mataifa la kuhudumia wakimbizi UNHCR, mjini Pictou na serikali ya Canada watatu hao si wakimbizi tena bali ni wafanyakazi wa huduma ya jamii kwenye kituo cha Glen Haven Manor kilichopo jimboni Nova Scotia nchini Canada.
Wakati duniani inaadhimisha siku ya wakimbizi duniani hii leo kwa kuwa na idadi kubwa kabisa ya wakimbizi kuwahi kurekodiwa, Katibu Mkuu wa Umoja wa Mataifa Antonio Guterres anasema siku hii itumike kutafakari juu ya ujasiri wa wale wanaokimbia vita, vurugu na mateso pamoja na kutambua huruma ya wale wanaowakaribisha wakimbizi hao.
Shirika la Umoja wa Mataifa la afya duniani WHO linafanya juhudi kubwa za kuelimisha umma kuhusu mahitaji na changamoto za afya zinazowakabili wakimbizi na watu wengine wanaolazimika kuzikimbia nyumba zao.
