Shirika la Umoja wa Mataifa la kuhudumia watoto, UNICEF linajitahidi kwa kadri ya uwezo wake kuhakiisha watoto walioko kwenye kituo cha makazi ya muda cha Rhoe kwenye jimbo la Ituri nchini Jamhuri ya Kidemokrasia ya Congo, DRC wanaendelea kupata haki yao ya msingi ya elimu licha ya mazingira wanamoishi.
Shirika la Umoja wa Mataifa la kuhudumia watoto UNICEF kwa kushirikiana na serikali ya Iceland wanasaidia mradi wa serikali ya Uganda wa kuhakikisha huduma ya maji safi na salama (WASH) inapatikana na kupewa kipaumbele kwa wanafunzi wote kwenye shule za wilaya za Adjumani na Arua nchini Uganda.
Shirika la Umoja wa Mataifa la utalii duniani UNWTO leo limetangaza kwamba mkutano wa kimataifa wa vijana kuhusu utalii utafanyika mjini Sorrento Italia kuanzia tarehe 27 Juni hadi tarehe 3 Julai mwaka huu.
Shirika la afya la Umoja wa Mataifa WHO limesema Ethiopia inaendelea na kampeni ya duru ya pili ya chanjo ya matone ya polio ijulikanayo kama nOPV2.
Licha ya majanga mengine ya kibinadamu yanayoendelea duniani ikiwemo kule Ukraine, bado Umoja wa Mataifa unahangaika kila uchao kuhakikisha inasaidia wakazi wa Pembe ya Afrika ambako ukame umesababisha watu milioni 15 kukosa uhakika wa chakula, amesema Joyce Msuya Msaidizi wa Katibu Mkuu wa Umoja wa Mataifa na Naibu Mkuu wa ofisi ya Umoja wa Mataifa inayoratibu misaada ya dharura, OCHA.
Bucha mji ambao wakati mmoja ulikuwa mji wa bweni tulivu karibu na Kyiv, sasa ni sawa na uwanja wa mauaji ya halaiki ya raia katika vita vinavyozidi kuwa vya kikatili nchini Ukraine.
Katibu Mkuu wa Umoja wa Mataifa Antonio Guterres ameeleza masikitiko yake kufuatia vifo na uharibifu wa mali kutokana na mafuriko nchini Afrika ya Kusini.
Kufuatia uwepo wa taarifa za kuwa Uingereza imeingia makubaliano na Rwanda ya kuwahamisha wasaka hifadhi nchini Uingereza na kuwapeleka Rwanda, Shirika la Umoja wa Mataifa la kuhudumia wakimbizi, UNHCR limesema linaelewa kuwa serikali ya Uingereza inatangaza ushirikiano wa uhamiaji na maendeleo ya kiuchumi na nchi ya Rwanda lakini linahitaji kuyaona makubaliano hayo kwanza kabla ya kutoa maoni.
Zaidi ya watu 870,000 ambao walikimbia Ukraine kufuatia uvamizi wa Urusi tarehe 24 mwezi Februari mwaka huu, wamerejea nyumbani, imsema taarifa mpya ya ofisi ya Umoja wa Mataifa ya kuratibu masuala ya dharura, OCHA, wakati huu ambapo kuna hofu ya kuzorota kwa upatikanaji wa chakula nchini humo.
Gharama za uendeshaji za shirika la Umoja wa Mataifa la mpango wa chakula duniani, WFP, kwa mwaka huu wa 2022 zitaongezeka kwa dola milioni 136 katika ukanda wa Afrika Magharibi pekee kutokana na athari za vita vya Ukraine ambazo zinaongeza bei ya chakula na mafuta duniani.
