Baraza Kuu la UM limekutana wiki hii kwa siku mbili, kwenye kikao cha wawakilishi wote kuzingatia azimio la kupiga vita ugaidi duniani. Kulifanyika majadiliano maalumu yaliofanya mapitio juu ya lile azimio la 2006 la Kuratibu Mipango ya Pamoja Kupiga Vita Ugaidi Ulimwenguni.
Tume Maalumu ya Kusimamia Utekelezaji wa Dharura wa Malengo ya Maendeleo ya Milenia (MDGs), iliobuniwa na KM Ban Ki-moon, imewasilisha ripoti maalumu yenye kuelezea matokeo ya utafiti juu ya utekelezaji wa ahadi zilizotolewa na jumuiya ya kimataifa za kuzisaidia nchi maskini kupunguza hali duni kwa nusu itakapofika 2015.
Shirika la UM juu ya Biashara na Maendeleo (UNCTAD) limetoa ripoti ya mwaka inayozingatia \'hali ya biashara na maendeleo kimataifa kwa 2008\'. Ripoti ilisema katika miaka ya karibuni nchi nyingi zinazoendelea zilionekana kufanikiwa kwenye maendeleo yao ya uchumi yenye kutia moyo.
Baraza la Usalama, chini ya uraisi wa Balozi Michel Kafando wa Burkina Faso, linatarajiwa alasiri kuzingatia hali katika Usomali na suala la Cyprus.~
Baraza Kuu (BK) la UM asubuhi limekutana kujadilia azimio linalohusu mbinu za kupiga vita ugaidi duniani, kikao ambacho kilihudhuriwa na Raisi wa Baraza Kuu, KM na wawakilishi kadha wa kadha wanachama.
Mkutano wa Idara ya Habari ya UM na mashirika yasio ya kiserikali unaofanyika Paris, Ufaransa katika siku ya pili ya majadiliano, Alkhamisi mashauriano yalilenga zaidi kwenye tatizo la biashara karaha ya watoto wadogo ambao hutekwa nyara na majambazi,na baadye huvushwa mipaka kutopka makwao na hutumiwa kwenye vitendo haramu vyenye kuwanyima watoto hao haki za kimsingi na utu wao. Mathalan, watoto hawa wenye umri mdogo hulazimishwa kufanya kazi zisiolingana na umri wao, na mar nyengine hushirikishwa kwenye vitendo karaha vya kuwafanya watoto hawa kuwa watumwa wa uzinzi. ~
UM umetangaza kuwa sasa hivi unaweza kuthibitisha kihakika kwamba maiti 17 zimeonekana karibu na eneo lilipotukia ajali ya ndege iliokodiwa na UM , nje ya mji wa Bukavu, katika mashariki ya Jamhuri ya Kidemokrasi ya Kongo JKK). UM unajitayarisha, kwa sasa, kuendeleza shughuli za kuchunguza utambulisho wa mabaki ya maiti. Miongoni mwa waathiriwa hao walikuwemo raia wanne wa Kongo pamoja na raia mmoja wa Kanada, watumishi wa Shirika la UM juu ya Miradi ya Maendeleo (UNDP).
Kikao cha 61, cha kila mwaka, kilichoandaliwa shirika na Idara ya Habari ya UM (DPI) na mashirika yasio ya kiserikali (NGOs) kimefunguliwa rasmi hii leo kwenye Makao Makuu ya Shirika la UM juu ya Elimu, Sayansi na Utamaduni (UNESCO) mjini Paris, Ufaransa. Hii ni mara ya kwanza mkutano huu kufabnyika nje ya Makao Makuu ya UM.
Mark Bowden, Mshauri Mkaazi wa UM juu ya Misaada ya Dharura kwa Usomali ametuma salamu maalumu, kwa niaba ya jamii ya UM, kutokea ofisi yao iliopo Nairobi, Kenya zilioukaribisha Mwezi Mtukufu wa Ramadhan na kuwatakia umma wa Usomali Ukarimu Mkuu kwa Ramadhan ya mwaka huu.
Baada ya miaka miwili ya mashaurianio na majadiliano, wiki hii wajumbe wanachama wa mataifa 191 wa Shirika la UM juu ya Chakula na Kilimo (FAO) wamefanikiwa kuafikiana na kupitisha miongozo mipya ya kimataifa ili kudhibiti bora uvuvi, hasa ule uvuvi wa kina kikubwa baharini, ambapo mfumo wa ikolojia ni dhaifu na haraka kuharibika kama haujatunzwa kama inavyotakikana kisayansi.
