Shirika la UM juu ya Huduma za Wahamiaji (UNHCR) limeripoti wahamiaji 25,000 hadi 30,000 wa Jamuri ya Kidemokrasi ya Kongo ambao walikimbilia eneo la Bungana, Uganda kunusuru maisha baada ya mapigano kufumka wameamua kubakia huko mpaka hali ya utulivu itakaporejea Kivu Kaskazini, jimbo linalopakana na Uganda.
Mnamo mwanzo wa wiki, John Holmes, Naibu KM juu ya Misaada ya Dharura aliripoti kwenye kikao cha faragha cha Baraza la Usalama juu ya hali ya kiutu kijumla katika Jamhuri ya Kidemokrasi ya Kongo (DRC) baada ya kulizuru eneo hili la Afrika ya Kati.
Kai Vittrup, Kamishna wa Polisi wa Shirika la UM juu ya Ulinzi wa Amani Sudan (UNMIS) ameliambia Shirika la Habari la UM kwamba Mataifa yote Wanachama ya UM yanawajibika kutambua jukumu muhimu la kazi za polisi wa kimataifa katika uendeshaji wa operesheni za amani za UM. Kamishna Vittrup aliyahimiza Mataifa Wanachama yaridhie pendekezo la kupeleka raia polisi wa vyeo vya juu, katika Darfur kusaidia operesheni zijazo za ulinzi wa amani za UM.
Shirika la Kimataifa juu ya Wahamaji (IOM) limeripoti kuwa linahitajia kufadhiliwa msaada wa dharura najamii ya kimataifa, utakaoliwezesha kununua vifaa vya kusajili na kuhifadhi takwimu za wale wahamaji na watu wenye kuomba hifadhi ya kisiasa kutoka eneo la Pembe ya Afrika, ambao wameanza kuwasili kwa wingi katika Yemen hivi karibuni baada ya kuvuka Ghuba ya Aden.
Tarehe 10 Septemba iliadhimishwa na UM kuwa ni ‘Siku ya Kuzuia Vitendo Karaha vya Kujiua Duniani’, hasa ilivyokuwa takwimu za wataalamu wa kimataifa zimethibitisha kuwa katika kila nukta 30 mtu mmoja huwa anajiua ulimwenguni kwa sababu kadha wa kadha.
Suala la kuongezeka kwa hali ya joto duniani na kupunguka kwa misitu kwa ajili ya nishati, kilimo au mbao kimesababisha kuwepo na juhudi nyingi za kutafuta njia mbadala ili kuhifadhi mazingira.
Kamati ya Kuondowa kabisa Ubaguzi dhidi ya Wanawake, iliadhimisha miaka 25 ya kufuatilia utekelezaji wa mataifa wa makubaliano hayo ya kihistoria mwishoni mwa mwezi wa juli kwa kikao cha siku tano hapa Umoja wa Mataifa.
Kamishna mkuu wa Haki za Binadamu wa Umoja wa Mataifa Bi Louise Arbour hivi karibuni alipongeza kazi za Kamati ya Kuondowa kabisa Ubaguzi dhidi ya Wanawake, inapoadhimisha miaka 25 ya kufuatilia utekelezaji wa mataifa wa makubaliano hayo ya kihistoria.
UM umeripoti ya kuwa hivi karibuni maelfu ya raia wa Kongo wamelazimika kulihama jimbo la Kivu Kaskazini katika Jamhuri ya Kidemokrasi ya Kongo (DRC), baada ya kufumka tena mapigano baina ya vikosi vya Serekali na makundi ya waasi wanaoshirikiana na wanajeshi watoro.
KM wa UM Ban Ki-moon wiki hii alifanya ziara ya siku nne nchini Sudan, ikiwa miongoni mwa juhudi za kimataifa, kuleta hatima ya mgogoro na vurugu liliolivaa jimbo la magharibi la Darfur. Kadhalika, KM alichukua fursa ya kujionea binafsi aina ya mazingira yatakayovikabili vikosi mseto vya UM na Umoja wa Afrika wa AU vitkavyopelekwa Darfur mwakani.~
