Habari Mpya

Baada ya mashauriano ya muda mrefu, hatimaye Baraza Kuu la Umoja wa Mataifa limeridhia mapendekezo ya marekebisho ya mfumo wa maendeleo wa chombo hicho chenye wanachama 193. Marekebisho hayo yanalenga kusogeza zaidi UN kwa wananchi wa kawaida ili hatimaye maendeleo yawe dhahiri ya watu na si vitu.

Mashirika mawili ya Umoja wa Mataifa yamekubaliana kuanzisha  mkakati maalum wa pamoja utakaosaidia kudhibiti athari za kiafya zinazosababishwa na mazingira duni.

Nchi za Afrika sasa zaamka na zimeanza kujiwekea mifumo bora ya kisera ili uhamiaji uwe na matunda ndani  ya bara hilo.

Leo ni siku ya kupinga matumizi ya tumbaku duniani ambapo shirika la afya ulimwenguni, WHO linasema matumizi ya tumbaku yamepungua.

Ukanda wa Sahel unakabiliwa na mashambulizi na shida za mara kwa mara ambapo nchi tano kwenye ukanda huo zimeunda kikosi cha kukabili mashambulizi kiitwacho, G5.

Katika jitihada za pamoja za Umoja wa Mataifa  na serikali duniani kuhakikisha misitu inalindwa ili kudhibiti mabadiliko ya tabianchi, Tanzania imejiwekea mkakati kabambe wa  miaka 5 kwenda sanjari na lengo hilo.

Serikali ya Kenya imeshauriwa kuchukua hatua za  haraka kulinda watetezi wa mazingira  ambao sasa wanakabiliwa na vitisho pamoja na udhalilishwaji.

Mkurugenzi Mtendaji wa shirika la kuhudumia watoto la Umoja wa Mataifa UNICEF, Henrietta Fore anazuru Mali ambako miaka sita baada ya kuanza mgogoro wa kaskazini mwa nchi hiyo ghasia zinazidi kuongezeka huku watoto nao wazidi kunyimwa haki zao kama vile chakula, elimu na kuishi.

Nchini Tanzania nako maadhamisho ya siku ya walinda aman iwa Umoja wa Mataifa ambapo imeelezwa kuwa ni siku muhimu kwa kuzingatia kuwa katika miaka 70 ya ulinzi wa amani wa UN, Tanzania imeshiriki operesheni hizo kuanzia mwaka 2006.