Ujumbe wa Umoja wa Mataifa wa kulinda amani nchini Sudan Kusini, UNMISS, umelaani shambulizi lililotokea Julai 22 mwaka huu 2022 katika Kaunti ya Mayom, iliyoko katika jimbo la Umoja nchini humo na kusababisha vifo vya watu kadhaa akiwemo Kamishna wa Kaunti hiyo ya Mayom.
Serikali ya Jamhuri ya Kidemokrasia ya Congo, DRC imesihi utulivu miongoni mwa wananchi baada ya maandamano na uvamizi dhidi ya vituo vya ujumbe wa Umoja wa Mataifa wa kulinda amani MONUSCO kwenye miji ya Goma na Butembo jimboni Kivu Kaskazini, tukio ambalo hata Katibu Mkuu wa Umoja wa Mataifa Antonio Guterres ametaka mamlaka zichunguze na sheria ichukue mkondo wake. Mwandishi wetu wa DRC Byobe Malenga ana taarifa zaidi.
Ripoti ya hali ya uchumi kwa robo ya pili ya mwaka huu wa 2022 ambao ni mwezi Aprili hadi Juni ambayo imetolewa na Shirika la Fedha la Kimataifa IMF imesema matarajio ya ukuaji wa uchumi duniani yanazidi kukumbwa na kiza na yanakosa uhakika na kwamba matumaini ya uchumi kukwamuka mwaka 2021 yanazidi kuyoyoma mwaka huu wa 2022.
Umoja wa Mataifa tarehe 11 mwezi Julai 2022 ilitangaza kwamba idadi ya watu duniani inatarajiwa kufikia bilioni 8 mnamo tarehe 15 Novemba 2022 ikiwa ni hatua muhimu kwa ubinadamu na ikaenda mbali zaidi kutangaza kuwa mwaka 2023 India inakadiriwa kuwa nchi yenye watu wengi zaidi, kuipita China.
Muda unayoyoma wa kulinda mikoko duniani ambayo sio tu makazi ya viumbe wengi lakini pia ni muhimu dhidi ya athari za mabadiliko ya tabianchi, amesema Mkuu wa Shirika la Umoja wa Mataifa la Elimu, Sayansi na Utamaduni (UNESCO) Audrey Azoulay, hii leo.
Huko nchini Jamhuri ya Kidemokrasia ya Congo, DRC mlinda amani askari wa kulinda amani na polisi wawili wa Umoja wa Mataifa wameuawa baada ya waandamanaji kuvamia kituo cha ujumbe wa Umoja wa Mataifa wa kulinda amani nchini humo MONUSCO huko Butembo na kupora silaha za polisi wa kitaifa na kuanza mashambulizi.
Shirika la Umoja wa Mataifa la Chakula na Kilimo FAO linaendesha kongamano la siku nne kwa njia ya mtandao kujadili masuala mbalimbali kuhusu udongo na mchango wake katika kuhakikisha jamii inapata lishe bora kutokana na mazao yalimwayo kwenye udongo.
Wachezeshaji maarufu wa muziki duniani kutoka Australia na ambao ni ndugu wameandika wimbo mpya wenye lengo la kuhamasisha kuhusu hatarini wanazokumbana nazo watoto kama vile utumikishaji watoto na usafirishaji haramu wa watoto.
Hebu fikiria machungu yasiyokwisha ya shambulio la kutisha la ukatili wa kingono. Na wakati umefika polisi ukiwa na mikwaruzo mwilini na huku unatetemeka unawaeleza kilichokufika cha kustaajabisha, wao wanakugeuka na kukuuliza: ulikuwa umevaa nini?
Leo asubuhi kwa saa za Jamhuri ya Kidemokrasia ya Congo, DRC waandamanaji wamevamia vituo vya walinda amani wa Umoja wa Mataifa nchini humo, MONUSCI kwenye mji wa Goma, jimboni Kivu Kaskazini ambako wamepora mali, wamerusha mawe na kuchoma moto matairi ya magari.
