Akielezea "jinamizi linalotokea nchini Afghanistan", Katibu Mkuu wa Umoja wa Mataifa, António Guterres, hii leo ameonya kwamba ulimwengu uko "katika mbio dhidi ya wakati kusaidia watu wa Afghanistan."
Umoja wa Mataifa umesema ikiwa dunia inataka kupona kwa watu na kuimarika kwa uchumi kwa mwaka huu wa 2022, basi sasa ni wakati wa kuziba mapengo yote ya ukosefu wa usawa ndani, na miongoni mwa nchi na kuimarisha ushirikiano kwa kufanya mambo kama familia moja ya kibinadamu.
Baada ya wimbi la ugonjwa wa Covid-19 lililodumu kwa takribani wiki sita, wimbi hilo la nne barani Afrika ambalo kimsingi lilichochewa na mnyumbuliko wa virusi vya corona kwa jina Omicron, sasa linapungua na hivyo kulifanya kuwa wimbi lililodumu kwa muda mfupi zaidi katika bara hilo ambako jumla ya maambukizi hivi sasa tangu kuibuka kwa ugonjwa huo limezidi milioni 10. Imeeleza taarifa ya shirika la afya la Umoja wa Mataifa kanda ya Afrika iliyotolewa hii leo Brazzaville nchini Congo.
Nchini Mali, ujumbe wa Umoja wa Mataifa wa kuweka utulivu nchini humo, MINUSMA baada ya kuona athari za mapigano ya wenyewe kwa wenyewe kwenye mbinu za kujipatia kipato miongoni mwa wakulima wa eneo la Timbuktu, uliibuka na mradi wa kuboresha bustani yao ya soko la mboga na sasa nuru ya kujipatia kipato imeonekana.
Taasisi ijulikanayo kwa jina na Marafiki wa akina mama au Friends of Mothers iliyoko Mbale nchini Uganda imefanikiwa kuinua maisha ya zaidi ya familia 200 kutoka vijiji 7 baada ya kuwapatia ajira kwenye sekta ya kilimo.
Shirika la kazi la Umoja wa Mataifa ILO limeendelea mara zote kuhamasisha mazingira mazuri ya kazi ikiwemo kutokuwepo kwa ubaguzi au unyanyapaa kwa wafanyakazi kutokana na hali zao iwe ulemavu au ugonjwa. Kisa hiki cha Wu Mengnan wa China, ambaye miaka 15 iliyopita yeye na mumewe walipimwa na kukutwa na Virusi Vya UKIMWI, VVU kinaonesha kuwa bado kuna haja ya kufanya zaidi ili kukomesha ubaguzi na unyanyapaa mahali pa kazi au wakati wa kutafuta ajira. Taarifa ya Anold Kayanda inaeleza zaidi.
“Hatuwezi kumaliza janga isipokuwa tukifunga pengo hili.” Ni kauli ya Mkurugenzi Mkuu wa shirika la afya la Umoja wa Mataifa, Dkt Tedros Ghebreyesus katika mkutano na waandishi wa habari hii leo mjini Genva Uswisi alipokuwa akieleza hali ya mapambano dhidi ya Covid-19.
Stéphane Dujarric ambaye ni Msemaji wa Katibu Mkuu wa Umoja wa Mataifa hii leo akizungumza na waandishi wa habari katika makao makuu ya UN amesema Shirika hilo linalaani shambulizi la kujitoa muhanga lilitokea leo katika mji mkuu wa Somalia, Mogadishu, akiongeza kusema, tunatoa "rambirambi zetu kwa familia za waathiriwa," na akawatakia ahueni ya haraka wale wote waliojeruhiwa.
Shirika la Umoja wa Mataifa la kuhudumia watoto UNICEF kwa kushirikiana na shirika lisilo la kiserikali la AVSI kutokana na ufadhili wa shirika la misaada ya maendeleo ya kimataifa la Sweden, SIDA, wamewezesha uwepo wa vyumba 10 kwa ajili ya kuhudumia wagonjwa wenye uhitaji wa uangalizi mkubwa zaidi katika vituo vya afya katika mkoa wa West Nile nchini Uganda ili kutatua matatizo ya huduma za afya yaliyokuwa yanachangia uwepo wa idadi kubwa ya vifo vya wajawazito. John Kibego aliyeko Uganda anaeleza zaidi.
Benki ya Dunia imetangaza uchumi wa dunia kwa mwaka huu wa 2022 unaingia kwenye hali ya kudorora huku kukiwa na matishio mapya kutoka kwa aina mbalimbali za Virusi vya COVID-19 na kupanda kwa mfumuko wa bei, madeni, na usawa wa kipato ambao unaweza kuhatarisha kufufuka kwa uchumi unaoibukia na unaoendelea.
