Nchini Sudan Kusini mapigano ya kikabila kwenye jimbo la Upper Nile nchini humo yamesababisha vifo, ukimbizi wa ndani halikadhalika madhila zaidi kwa watoto ambao mustakabali wao unazidi kuwa mashakani huku nao wazee wakishuhudia machungu katika taifa hilo changa zaidi duniani.
Ukame uliolighubika eneo la Pembe ya Afrika kwa miongo minne mfululizo umesababisha changamoto kubwa kwa mamilioni ya raia wa Kenya, Ethiopia na Somalia nchi ambayo maeneo mengi yanakabiliwa na kutokuwa na uhakika wa chakula na hatihati ya kutumbukia kwenye baa la njaa. Mashirika ya misaada ya kibinadamu likiwepo la Umoja wa Mataifa la mpango wa chakula duniani WFP yako mstari wa mbele kuwasaidia watu wenye uhitaji hususani wa chakula.
Ushirikiano na ukuaji kiuchumi ni miongoni mwa masuala muhimu katika kuhakikisha nchi yoyote ina amani na wananchi wake wanapata Maendeleo. Na ili kuhakikisha wananchi wa Sudan Kusini wana amani na maendeleo, Ujumbe wa Umoja wa Mataifa wa kulinda Amani nchini humo UNMISS umeandaa warsha ya biashara lengo likiwa ni kuwatia moyo wafanyabiashara wa ndani na kuwawezesha kiuchumi ili nao waweze kuimarisha biashara zao lakini pia waweze kufanya biashara na Umoja wa Mataifa .
Ingawa msemo wa haki ya binadamu umezoelekea, hakuna haki ya binadamu yoyote ambayo imetolewa bure bila kupiganiwa, vivyo hivyo inapaswa kuwa kwa elimu, amesema Leonardo Garnier, Mshauri Maalum wa Katibu Mkuu wa Umoja wa Mataifa kuhusu Mkutano wa Ngazi ya juu wa Umoja wa Mataifa kuhusu marekebisho ya mfumo wa elimu duniani, mkutano unaoanza Ijumaa hii kwenye makao makuu ya Umoja wa Mataifa. Kufahamu msingi wa kauli hiyo,
Mratibu wa masuala ya kibinadamu wa Umoja wa Mataifa na mkuu wa shirika la kuratibu misaada ya dharura OCHA nchini Sudan Kusini Bi. Sara Beysolow Nyanti awatembelea waathirika wa machafuko ya hivi karibuni kwenye maeneo ya Adediang na Malakal, katika jimbo la Upper Nile State na kushuhudia madhila yanayowakabili .
Mpawa Umoja wa Mataifa la kulinda amani nchini Sudan Kusini UNMISS umeleta nuru kwa wananchi wa eneo la Mvolo jimbo la Equatorial Magharibi kwa kuwajengea shule na kituo cha polisi hatua ambayo wananchi wanasema etaepusha zahma nyingi kwa watoto wao. Evarist Mapes ana taarifa zaidi
Hii leo ikiwa ni siku ya kimataifa ya utoaji wa misaada ya kibinadamu, Katibu Mkuu wa Umoja wa Mataifa Antonio Guterres amepazia sauti watoa huduma za kibinadamu ambao hufanya kazi kutwa kucha ili dunia iwe pahala bora hasa wale wanaopitia majanga wanaojikuta wao wenyewe wakibeba jukumu la kutoa msaada.
Walinda Amani wa Umoja wa Mataifa katika Ujumbe wa Umoja wa Mataifa nchini Sudan Kusini UNMISS wanafanya kazi ya kuondoa maji ya mafuriko yaliyotwama katika eneo kubwa la mji wa Bentiu jimbo la UNITY ili kuhakikisha uwanja wa ndege na barabara zinazopatakana na uwanja huo zinapitika.
Kufuatia kuuawa kwa watu kadhaa na zaid ya watu elfu themanini kuyakimbia makazi yao katika kipindi cha miezi sita iliyopita jimboni Tambura nchini Sudan Kusini Ujumbe wa Umoja wa Mataifa wa kulinda amani nchini humo UNMISS unaendesha doria za mara kwa mara jimboni hapo huku ukitoa ulinzi kwa maelfu ya raia walioyakimbia makazi yao.
Kutana na wakimbizi Bahati Hategekimana kutoka Rwanda, Micheline Muhima kutoka Uganda na Agnes Mude kutoka Sudan Kusini ambao wote walikuwa wakiishi kwenye kambi ya wakimbizi ya Kakuma nchini Kenya, lakini sasa kupitia mradi wa majaribio wa kuthamini mchango wa wakimbizi EMPP, unaoendeshwa na shirika la Umoja wa Mataifa la kuhudumia wakimbizi UNHCR, mjini Pictou na serikali ya Canada watatu hao si wakimbizi tena bali ni wafanyakazi wa huduma ya jamii kwenye kituo cha Glen Haven Manor kilichopo jimboni Nova Scotia nchini Canada.
