Watoto nchini Jamhuri ya Kidemokrasia ya Congo, DRC, hivi sasa licha ya kutokwenda shuleni kutokana na janga la ugonjwa wa virusi vya Corona, COVID-19, wanatumia muda huo kusoma nyumbani, kusaidia kazi sambamba na kuelimisha jamii ili ijikinge na virusi hivyo.
Nchini Jamhuri ya Kidemokrasia ya Congo, DRC, mmoja wa manusura wa ugonjwa wa virusi vya Corona au COVID-19 amesihi raia wa taifa hilo la Maziwa Makuu Afrika waitikie wito wa kujikinga na gonjwa hilo akisema kuwa yeye ni shuhuda aliyenusurika.
Shirika la Umoja wa Mataifa la kuhudumia latoto UNICEF limesambaza mashine 32 za hewa ya Oksijeni ili kusaidia wagonjwa mahututi katika vita dhidi ya janga la virusi vya Corona au COVID-19 nchini Jamhuri ya Kidemokrasia ya Congo DRC
Wiki ya chanjo ikiendelea duniani kote, shirika la Umoja wa Mataifa la kuhudumia watoto, UNICEF na wadau wake, linatoa wito kwa serikali na wahisani kuchukua hatua kuhakikisha watoto wanapata chanjo zao wakati huu ambapo kasi imeelekezwa zaidi kwenye kusaka chanjo dhidi ya ugonjwa wa virusi vya Corona au COVID-19.
Baada ya kubakwa na waasi huko Jamhuri ya Kidemokrasia ya Congo, DRC na wazazi wake kuuawa kisha kupata hifadhi nchini Msumbiji, mkimbizi Kituza sasa anatumia wanasesere anaotengeneza si tu kwa kujipatia kipato bali pia kupata uponyaji na kusahau machungu aliyopitia.
Wiki ya chanjo duniani ikianza kesho, shirika la afya la Umoja wa Mataifa, WHO, limeonya kuwa kufunga huduma za chanjo wakati huu wa janga la ugonjwa wa virusi vya Corona au COVID-19, kunaweza kusababisha kuibuka kwa janga la magonjwa yanayoweza kuzuilika kwa chanjo.
Jamhuri ya kidemokrasia ya Congo, DRC imeendelea na kampeni ya chanjo dhidi ya milipuko ya ugonjwa wa Surua kwenye jimbo la Kivu Kaskazini, mashariki mwa nchi hiyo wakati huu ambapo taifa hilo linakabiliana pia na mlipuko wa janga la ugonjwa wa virusi vya Corona, au COVID-19.
Msemaji wa shirika la Umoja wa Mataifa la kuhudumia wakimbizi UNHCR Andrej Mahecic hii ameviambia vyombo vya habari mjini Geneva Uswisi kuwa UNHCR inashirikiana na mamlaka pamoja na wadau nchini Jamhuri ya Kidemokrasia ya Congo, DRC kutoa msaada kwa watu 80,000 ambao wameathiriwa na mafuriko makubwa katika jimbo la Kivu Kusini.
Shirika la Umoja wa Mataifa la kuwahudumia wakimbizi UNHCR linasema vurugu na kukosekana kwa usalama vinavyoendelea nchini Jamhuri ya kidemkrasia ya Congo, DRC vinaweza kusababisha ugumu kwa watu waliofurushwa kuweza kufikia vituo vya huduma ya afya kwa hivyo shirika hilo kwa kushirikiana na wadau wake linafanya kila liwezekanalo kudhibiti maambukizi ya magonjwa kama vile COVID-19.
Ofisi ya haki za binadamu ya Umoja wa Mataifa, OHCHR, imesema inatiwa hofu kubwa na mauaji ya zaidi ya watu 150 katika maeneo ya Djugu na Mahagi kwenye jimbo la Ituri nchini Jamhuri ya Kidemokrasia ya Congo, DRC
