Ripoti mpya iliyotolewa leo na shirika la afya la Umoja wa Mataifa duniani WHO imesema kuna uhusiano baina ya COVID-19 na Watoto kukabiliwa na changamoto ya utipwatipwa au obesity barani Ulanya.
Operesheni za kijeshi za ulinzi wa amani zilizokuwa zinafanywa na ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC huko jimboni Kivu Kusini zimekamilika Jumanne ya Aprili 30, 2024 kwa mujibu wa azimio namba 2717 la mwezi Desemba 2023, la Baraza la Usalama la Umoja wa Mataifa.
Wakati kukiwa na ongezeko la wito wa kimataifa kwa Israel kujizuia na mashambulizi zaidi Gaza na ripoti za leo za mashambulizi mengine mabaya zaidi ya usiku kucha, wahudumu wa kibinadamu wa Umoja wa Mataifa wamesisitiza kuhusu athari mbaya zinazoendelea za vita hiyo na haja ya kuhakikisha njia za kuaminika za usambazaji wa misaada kwa watu wanaohitaji kwa udi na uvumba zinapatikana.
Katika kambi ya wakimbizi ya Kakuma iliyoko kaskazini magharibi mwa Kenya, mkimbizi kutoka Jamhuri ya Kidemokrasia ya Congo, DRC amegeuza taka ngumu kuwa lulu na hivyo sio tu kuweka usafi kwenye makazi ya kambini, bali pia kuinua kipato chake na cha jamii inayomzunguka.
Hali huko Gaza ikizidi kuwa mbaya kila uchao, Katibu Mkuu wa Umoja wa Mataifa António Guterres ametoa wito kwa viongozi wa Israel na Hamas wanaoshiriki mazungumzo ya kina hivi sasa, wafikie makubaliano ya kusitisha mapigano.
Raia wa kawaida wa Gaza bado wako katika hali ya kiwewe kutokana na shambulio kamili la Israel linalokaribia kufanywa kwenye mji wa kusini wa Rafah, huku kukiwa na ongezeko la mashambulizi huko, amesema mkuu wa shirika la Umoja wa Mataifa la msaada kwa wakimbizi wa Kipalestina UNRWA.
Taarifa ya Wakuu wa Kamati ya Kudumu ya Mashirika ya Kimataifa kuhusu Jamhuri ya Kidemokrasia ya Congo DRC leo imeonya kwamba viwango vya juu vya machafuko nchini DRC vinachochea idadi kubwa ya watu kutawanywa, ukatili dhidi ya raia ambao hayajawahi kutokea na janga la njaa.
Kamishina Mkuu wa shirika la Umoja wa Mataifa la msaada kwa wakimbizi wa Kipalestina UNRWA leo amesema watu waliokamatwa wakati wa vita inayoendelea Gaza wamenyanyaswa, kuteswa na kufanyiwa vitendo visivyo vya kibinadamu.
Katibu Mkuu wa Umoja wa Mataifa António Guterres amesisitiza azma ya Umoja huo ya kushikamana na Kenya wakati huu ambapo mafuriko makubwa yaliyobabishwa na mvua kubwa zinazonyesha kwa wiki kadhaa sasa zimesababisha vifo na majeruhi.
Kuelekea uchaguzi wa duru ya kwanza wa Rais nchini Chad unaotarajiwa kufanyika Mei 6 mwaka huu, Katibu Mkuu wa Umoja wa Mataifa amewasihi wadau wote katika uchaguzi huo kuhakikisha unafanyika kwa amani, uwe jumuishi, huru, wa haki na wa mchakato unaoaminika na duru ya pili ya uchaguzi huo, ikihitajika, itafanyika tarehe 22 Juni 2024.
