Wakati ule umewadia tena! Macho na masikio ya dunia kuelekezwa makao makuu ya UN jijini New York, Marekani baadaye mwezi huu wakati Baraza Kuu la Umoja wa Mataifa, (UNGA) litakapokaribisha marais, malkia na wafalme, mawaziri wakuu na wakuu wa nchi kutoka nchi 193 wanachama wa Umoja wa Mataifa.
Matumizi ya silaha ya Urusi yanakuwa sawa na mateso na ukatili mwingine wa kinyama, amesema Mtaalamu Maalum wa Umoja wa Mataifa anayeshughulika na masuala ya mateso, na Adhabu nyingine za Kikatili, za Kinyama au ya Kushusha hadhi, Alice Jill Edwards.
Siku hii ya Kimataifa ya Kuzuia Kujiua, inayoadhimishwa kila Septemba 10, inaangazia tatizo la afya ya umma ambalo, licha ya kuzuilika, husababisha vifo vya watu 700,000 kwa mwaka.
Umoja wa Mataifa umekaribisha kupitishwa leo kwa Azimio la Viongozi wa Kundi la Nchi 20 zenye Maendeleo Makubwa ya Kiuchumi Duniani (G20) New Delhi, na kulielezea kama mfano wa uongozi bora wakati wa mgawanyiko mkubwa duniani.
Ikiwa leo ni Siku ya Kimataifa ya Kulinda Elimu dhidi ya Mashambulizi, Katibu Mkuu wa Umoja wa Mataifa António Guterres amesema ni muhimu kutetea "mazingira ya elimu".
Katibu Mkuu wa Umoja wa Mataifa, António Guterres ameeleza kusikitishwa sana kutokana na tetemeko la ardhi lililoikumba Morocco usiku wa kuamkia leo na kusababisha vifo vya watu wengi (Idadi inazidi kubadilika).
Hii leo ni siku ya kimataifa ya kujua kusoma na kuandika, siku ambayo inaratibiwa na shirika la Umoja wa Mataifa la Elimu, Sayansi na Utamaduni, UNESCO.
Katibu Mkuu wa Umoja wa Mataifa António Guterres amewasili New Delhi, India kwa ajili ya mkutano wa kila mwaka wa Kundi la nchi 20 zilizoendelea kiuchumi duniani (G20) akiwa na "ombi rahisi lakini la dharura" kwa viongozi wa dunia waliohudhuria: kuungana kutatua changamoto kubwa za ubinadamu.
Zaidi ya nusu ya watoto milioni 14.8 wakimbizi duniani kote wenye umri wa kwenda shuleni, hawako shuleni na hivyo kuhatarisha mustakabili wao wa ustawi na kufanikisha malengo ya maendeleo endelevu, SDGs, imesema ripoti mpya ya shirika la Umoja wa Mataifa la kuhudumia wakimbizi duniani, UNHCR.
Ukatili dhidi ya watoto mashariki mwa Jamhuri ya Kidemokrasia ya Congo, DRC umepindukia, limesema shirika la Umoja wa Mataifa la kuhudumia watoto, UNICEF nchini humo likitolea mfano watoto mapacha ambao hivi karibuni walikutwa wamefungwa mkanda wenye mabomu kiunoni ili yeyote atakayejaribu kuufungua uwezo kulipuka na kusababisha maafa.
