Shirika la Umoja wa Mataifa la Mazingira duniani, UNEP kwakushirikiana na chuo kikuu cha Yale kitivo cha mifumo ya ikolojia na usanifu Yale CEA wamezindua ripoti inayoangazia ujenzi unaozingatia hali ya hewa na kutoa mapendekezo matatu ambayo yanatoa suluhu za kuondoa kaboni katika majengo na kupunguza taka zinazozalisha wakati wa ujenzi.
Mafuriko makubwa yaliyoikumba Libya tarehe 10 September yamesababisha maafa ikiwemo vifo vya takriban watu 3,000 na wengine zaidi ya 10,000 kutojulikana waliko Mashariki mwa nchi hiyo kwa mujibu wa mashirika ya Umoja wa Mataifa na shirikisho la kimataifa la chama cha msalaba mwekundu IFRC na mwezi mwekundu.
Wanaharakati na watetezi wa mazingira wametoa wito kwa wadau kujikita zaidi katika juhudi za kuuelimisha umma kuhusu sayansi ya tabia nchi ili raia wapate ufahamu. Wanamazingira hao wametoa tathmini hiyo jijini Nairobi nchini Kenya wakizungumza na mwandishi wa Idhaa ya Kiswahili ya Umoja wa Mataifa nchini humo Thelma Mwadzaya.
Leo Shirika la Umoja wa Mataifa la Afya Ulimwenguni (WHO) limezindua miongozo miwili iliyoundwa ili kuimarisha juhudi za kuzuia watu kujiua. Mmoja ni muongozo ulioboreshwa kwa ajili wataalamu wa vyombo vya habari na pili Muhtasari wa sera kuhusu vipengele vya afya vya kuyafanya majaribio ya kujiua na kujiua yasiwe jinai.
Nchini Tanzania kuna kaya nyingi ambazo zinatumia mkaa, kuni na mafuta ya taa kama tegemeo kuu la mapishi ya nyumbani, nishati ambazo si rafiki sio tu kwa mazingira bali pia afya ya mamilioni ya binadamu. Lakini sasa kuna mabadiliko,wakati huu ambapo Umoja wa Mataifa unapigia chepuo nishati jadidifu na salama; wakati huu ambapo pia wakuu wa nchi watakutana jijini New York, Marekani kutathmini hatua zipi zimechukuliwa kubadili mwelekeo wa mabadiliko ya tabianchi.
Katibu Mkuu wa Umoja wa Mataifa ameelezea mshikamano wake kwa serikali na watu wa Morocco katika kipindi hiki kigumu baada ya tetemeko la ardhi ambako kwa mujibu wa shirika la Umoja wa Mataifa la kuratibu misaada ya kibinadamu na masuala ya dharura OCHA takwimu zilizotolewa n amalaka ya Morocco zinasema idadi ya waliopoteza maisha kufikia leo ni 2500 na waliojeruhiwa ni 2500.
Binti Jacqueline, raia wa nchini Malawi alikuwa na umri wa miaka 15 alipozama kwenye dimbi la mapenzi na kijana kutoka kijiji kingine. Wawili hao walitoroka nyumbani na kwenda kuishi kinyumba badala ya kufunga ndoa rasmi.
Shirika la Umoja wa Mataifa la chakula na kilimo FAO leo limezingua mpango wa dharura wa kulinda na kurejesha uwezo wa kuishi kwa kutegemea kilimo wakati vita ikiendelea nchini Sudan.
Mkutano wa 54 wa Baraza la Umoja wa Mataifa kuhusu haki za binadamu umeanza hii leo huko Geneva, Uswisi ambapo Kamishna Mkuu wa Haki za Binadamu kwenye Umoja wa Mataifa Volker Türk pamoja na mambo mengine amesisitiza suala la makazi kama moja ya haki za msingi za binadamu na haki inayopigiwa chepuo pia kwenye malengo ya maendeleo endelevu, SDGs.
Mkutano wa kila mwaka wa Kundi la Nchi 20 zenye Maendeleo Makubwa ya Kiuchumi Duniani (G20) umehitimishwa jana katika mji mkuu wa India New Delhi huku Umoja wa Mataifa ukiwa umekaribisha kupitishwa kwa Azimio la Viongozi wa Kundi hilo kukubali kujumuisha Muungano wa Afrika (AU) kama mwanachama wake mpya wa kudumu.
