Wataalamu wa Umoja wa Mataifa hii leo wameelezea wasiwasi wao kufuatia vyombo vya habari nchini Afghanistan kutotoa taarifa ya tukio la Baraza la Haki za Kibinadamu la Umoja wa Mataifa ambalo lilizungumzia haki za wanawake na wasichana nchini humo mnano mwezi Juni 2023.
Mkurugenzi Mkuu wa Shirika la Umoja wa Mataifa la Afya Ulimwenguni (WHO) Dkt. Tedros Adhanom Ghebreyesus kupitia ujumbe wake kwa Siku ya Kimataifa ya Homa ya Ini inayoadhimishwa kila Julai 28, amesema kwa kuwa wanadamu tunaishi mara moja na tuna ini moja, WHO imejitolea kushirikiana na nchi zote na wadau wote ili kutimiza maono ya pamoja ya kutokomeza virusi vya homa ya ini ifikapo 2030.
Shirika la Umoja wa Mataifa la Kuhudumia Wakimbizi UNHCR, leo limetoa mwongozo mpya juu ya ulinzi wa watu wanaokimbia Burkina Faso, na wito wa haraka kwa mataifa yote kuacha kuwarudisha kwa nguvu watu wote wanaotoka katika ukanda huo ulioathiriwa zaidi na mgogoro unaoendelea nchini humo na badala yake kuwaruhusu raia wanaokimbia Burkina Faso kuingia katika mipaka yao.
Koketso Mokubane, mwanaume huyu raia wa Afrika Kusini alibainika kuwa na Homa ya Ini C. Amesimama nje ya kituo cha matibabu cha Sediba Hope kwenye kitongoji cha Tshwane. Koketso anafanya kazi ya kwenye ofisi ya Mtandao wa Watu wanaotumia dawa za kulevya nchini Afrika Kusini. Hili ni shirika lisilo la kiserikali linalopata msaada kupitia ofisi ya Umoja wa Mataifa ya kukabiliana na Dawa na Uhalifu, (UNODC) kwa lengo la kutetea haki za watu wanaotumia dawa za kulevya.
Shirika la Umoja wa Mataifa la Chakula na Kilimo FAO limekaribisha mchango wa zaidi ya dola milioni 27 uliotolewa na Muungano wa Ulaya kwa ajili ya utekelezaji wa miradi endelevu ya wanyamapori ambayo inaimarisha uhifadhi wa bioanuwai barani Afrika.
Takwimu mpya za shirika la Umoja wa Mataifa la Utalii duniani, UNTWO zinaonesha kuwa utalii barani Afrika umeanza kurejea kwa kasi kubwa baada ya kutwama wakati wa janga la COVID-19.
Idadi ya kesi zinazofikishwa mahakama duniani kote kuhusu mabadiliko ya tabianchi imeongezeka maradufu tangu mwaka wa 2017, limesema shirika la Umoja wa Mataifa la mazingira, UNEP kwa kushirikiana na Kituo cha Sheria cha Mabadiliko ya Tabianchi cha Sabin katika Chuo Kikuu cha Columbia.
Kufuatia ripoti iliyotolewa leo na Shirika la Umoja wa Mataifa la Hali ya hewa WMO kwa kushirikiana na lile la Kamisheni ya Muungano wa Ulaya ambayo imethibitisha kuwa mwezi huu wa Julai utavunja rekodi ya dunia ya kuwa na joto kali ulimwenguni kote, Katibu Mkuu wa Umoja wa Mataifa Antonio Guterres amesema takwimu hizi mpya ni uthibitisho kuwa ubinadamu umeketi katika kiti cha moto na kwamba lazima hatua zichukuliwe haraka.
Katibu Mkuu wa Umoja wa Mataifa António Guterres amelaani vikali kitendo cha serikali ya Rais Mohamed Bazoum kuondolewa madarakani kinyume cha katiba nchini Niger, kitendo ambacho kimetangazwa jumatano ya tarehe 26 Julai, 2023 na jeshi nchini humo.
Mkutano wa Umoja wa Mataifa kuhusu Mifumo ya Chakula +2 (UNFSS+2) umefikia tamati leo Jumatano katika makao makuu ya Shirika la Umoja wa Mataifa la Chakula na Kilimo (FAO) baada ya siku tatu vikao vya ngazi ya juu, mikutano na midahalo iliyowaleta Pamoja mjini Roma, Italia washiriki zaidi ya 2000 kutoka nchi 180, wakiwemo zaidi ya Wakuu 20 wa Nchi na Serikali na Mawaziri 125, ili kuchunguza changamoto na fursa za kubadilisha mifumo ya kilimo cha chakula.
