Habari Mpya

Ni ajabu na kweli kwamba uzoefu unaotakiwa wa matumaini na chanya umegeuka kuwa shubiri na machungu kwa wanawake wajawazito amesema Mkurugenzi Mkuu wa shirika la Umoja wa Mataifa la afya ulimwenguni, WHO, Dkt. Tedros Ghebreyesus baada ya ripoti mpya ya Umoja wa Mataifa kufichua hii leo ya kwamba kila baada ya dakika 2 mwanamke mmoja anakufa kutokana na ujauzito au wakati anajifungua mtoto. 

Baraza la Usalama la Umoja wa Mataifa hii leo limejulishwa kuwa hali ya ukame na ukali wake nchini Somalia si ya kawaida huku mahitaji ya kibinadamu yakiendelea kuongezeka kila uchao.

Jamii ya mikunde! Wengi wanaitambua zaidi kama ni kunde zenyewe, na maharagwe lakini ni zaidi ya hiyo. Kuna choroko, mbaazi, dengu, njegere na kadha wa kadha ambapo kutokana na umuhimu wake sio tu kiuchumi bali pia katika lishe ya binadamu, kurutubisha udongo na pia kuhimili mabadiliko ya tabianchi, ndio maana Umoja wa Mataifa unapigia chepuo.

Mkutano maalumu wa 11 wa Baraza Kuu la Umoja wa Mataifa ulioanza Jumatano hii unaendelea katika makao makuu ya Umoja wa Mataifa jijini New York, Marekani hadi Alhamis hii ya kuamkia tarehe 24 Februari ambayo ni siku unapotimia mwaka mmoja tangu Urusi ilipoivamia Ukraine katika vita inayoendelkea hadi leo. 

Takriban mwaka mmoja baada ya vita kamili kuzuka nchini Ukraine na huku kukiwa na mashambulizi mapya ya makombora yanayolenga mji wa Mashariki wa Kharkiv siku ya Jumatano wataalam wa haki za binadamu wa Umoja wa Mataifa wametoa wito wa kukomeshwa mara moja uharibifu wa makusudi wa hazina za kitamaduni za nchi hiyo unaofanywa na vikosi vya Urusi. 

"Hadhi ya Jerusalem haiwezi kubadilishwa kwa vitendo vya upande mmoja. Malengo yetu yanabaki palepale kukomesha uvamizi huo na kufikia suluhu ya kuwa na serikali mbili ya Israel na Palestina," huu ni msimamo wa Umoja wa Mataifa, ambao Katibu Mkuu wake amesisitiza leo, akionya dhidi ya kuongezeka kwa mvutano na machafuko, na kusisitiza kujitolea kwake kufanya kazi kwa ajili ya haki ya amani. 

Nchi zinazoendelea zinaweza kusalia na mamia ya mabilioni yad ola kwenye akiba zao iwapo dunia itaahidi kufanyia marekebisho mfumo wa sasa wa madeni na kwa siku za usoni wigo wa kupata fedha bila masharti magumu uongezwe. 

Ni wakati kufikiria upya jinsi ya kutumia maji kwa njia endelevu na yenye uwiano huku ubunifu katika kilimo ukiwa kitovu cha mipango yote,  amesema Mkurugenzi Mkuu wa Shirika la Umoja wa Mataifa la chakula na kilimo, FAO limesema  Qu Dongyu hii leo wakati akizungumza na viongozi na wataalamu wa Afrika kwenye warsha ya kwanza ya kikanda kuhusu mwelekeo wa matumizi ya maji barani Afrika, warsha inayofanyika nchini Zimbabwe.

Mradi mpya wa shule  nchini Jamhuri ya Kidemokrasia ya Congo, DRC uliozinduliwa na shirika la Umoja wa Mataifa la kuhudumia watoto,  UNICEF na wadau wake kwa ufadhili kutoka mfuko wa Umoja wa Mataifa wa kuchagiza elimu kwenye maeneo ya mizozo, Education Cannot Wait, ECW, au Elimu Haiwezi Kusubiri umewezesha watoto waliokuwa wametumikishwa vitani kuanza kurejea kwenye masomo na hata kutangamana na wenzao kwa amani.  

Wakati idadi ya vifo vilivyotokana na tetemeko la ardhi la Februari 6 nchini Uturuki imefikia watu 41,000, leo wataalam wa maendeleo wa Umoja wa Mataifa wamesema watu milioni 1.5 hawana makazi Kusini mwa nchi hiyo ambako takriban nyumba mpya laki 5 zitahitajika kujengwa.