Habari Mpya

Kutoka Geneva nchini Uswisi Kamisha Mkuu wa haki za binadamu wa Umoja wa Mataifa , Volker Turk ametoa wito kwa mamlaka ya Somalia kuhakikisha uchunguzi huru unafanyika bila upendeleo kufuatia mauaji yaliyotokea baada ya mapigano makali kuanzia tarehe 5 mwezi huu wa Februari nchini humo kati ya vikosi vya usalama na wanajamii wa ukoo wa Laas Canood.

Ukosefu wa fursa za ajira ni kichocheo kikubwa cha watu kujiiunga na vikundi vyenye misimamo mikali katika nchi za Afrika zilizo kusini mwa jangwa la Sahara, imesema ripoti mpya iliyotolewa leo jijini New York, Marekani na shirika la Umoja wa Mataifa la mpango wa maendeleo duniani, UNDP. 

Mashirika mbalimbali ya Umoja wa Mataifa leo yameendelea na harakati za kufanya kila liwezekanalo ili kuwasaidia maelfu ya watu walioathirika na matetemeko makubwa ya ardhi yaliyoikumba Uturuki na Syria jana na kusababisha vifo vya watu zaidi ya 4,000 na wengine kwa maelfu kujeruhiwa.

Makumi kwa mamia ya watoto wametenganishwa na familia zao katika eneo la mashariki mwa Jamhuri ya kidemokrasia ya Congo, DRC kutokana na mapigano makali yanayoendelea mashariki mwa nchi hiyo kati ya jeshi la serikali, FARDC na waasi wa M23. Shirika la Umoja wa Mataifa la kuhudumia watoto, UNICEF kwa ushirikiano na shirika la kiraia la kuhudumia vijana na watoto walio katika mazingira magumu, CAJED, wamechukua hatua kuunganisha watoto na familia zao hatua iliyoleta furaha sio tu kwa walengwa lakini pia kwa jamii nzima.

Kamishna Mkuu wa Haki za binadamu wa Umoja wa Mataifa Volker Türk Jumatatu ameeleza kusikitishwa na uamuzi wa mamlaka ya Mali kumtangaza Mwakilishi Mkuu wa Umoja wa Mataifa wa Haki za Kibinadamu nchini humo kama mtu asiyefaa au persona non grata.

Wakati unazidi kusonga huku dunia ikikaribia kuyeyuka na nchi zinapaswa kubadilika bila kuchelewa ameonya Katibu Mkuu wa Umoja wa Mataifa António Guterres hii leo wakati akiwasilisha vipaumbele vyake vya mwaka 2023.

Katibu Mkuu wa Umoja wa Mataifa amesema amesikitishwa sana na taarifa kuhusu hasara kubwa ya kupotea kwa maisha ya watu iliyosababishwa na tetemeko la ardhi lililoathiri maeneo ya kusini mwa Türkiye na kaskazini mwa Syria mapema leo. 

Hii leo ni ikiwa ni siku ya kimataifa ya kutokomeza ukeketaji wa wanawake na wasichana ,Katibu Mkuu wa Umoja wa Mataifa Antonio Guterres ametaka wanaume na wavulana wapaze sauti zao kusaidia kutokomeza mila hiyo potofu na hatarishi.  

Huduma za kujisafi na usafi mara nyingi husalia ndoto kwa wakimbizi wa ndani kwa kuwa kipaumbele kinakuwa ni usalama wao hali inayoongeza zaidi hatari ya kupata magonjwa iwapo wanakosa huduma hizo na ndio maana nchini Yemen, Umoja wa Mataifa umechukua hatua kuwezesha wayemen waishio kambini wanaweza kujikinga pia na magonjwa yatonakayo na uchafu.

Katibu Mkuu wa Umoja wa Mataifa António Guterres amelaani vikali shambulio lililofanywa hii leo huko Jamhuri ya Kidemokrasia ya Congo, DRC dhidi ya helikopta ya ujumbe wa umoja huo wa kulinda amani nchini DRC, MONUSCO, shambulio ambalo limesababisha kifo cha mlinda amani wa UN kutoka Afrika Kusini na mwingine amejeruhiwa.