Shirika la Umoja wa Mataifa la mpango wa maendeleo duniani, UNDP nchini Tanzania limetekeleza kwa vitendo wito wa Umoja wa MAtaifa wa kutaka vijana kupatiwa stadi za msingi nje ya darasani kama njia mojawapo ya kuwawezesha kumudu kazi za siku za usoni.
Takriban raia wa Ukraine milioni 15.7 wanahitaji msaada wa kibinadamu, ikiwa ni pamoja na wakimbizi wa ndani milioni 7.1 (IDPs) wanaoishi katika nyumba za kibinafsi na vituo vya pamoja, imeeleza taarifa ya leo ya Ofisi ya Umoja wa Mataifa ya kuratibu misaada ya dharura, OCHA.
Leo ni siku ya kimataifa ya stadi kwa vijana yenye lengo la kuangazia umuhimu wa marekebisho ya stadi hizo ili hatimaye siku za usoni vijana waweze kuendana na mahitaij ya kazi zilizoko au zitakuweko.
Licha ya mwaka 2021 kutegemewa utakuwa mwaka bora wa utoaji chanjo kwa watoto wachanga baada ya janga la COVID-19 kuvuruga utoaji chanjo mwaka 2019 na 2020, ripoti iliyotolewa leo na Umoja wa Mataifa imeonyesha kiwango cha utoaji chanjo duniani kimeendelea kupungua maradufu na kurudisha takwimu kwa miongo mitatu nyuma huku watoto milioni 25 wakikosa chanjo muhimu za kuokoa maisha yao.
Katibu Mkuu wa Umoja wa Mataifa Antonio Guterres ameelezea masikitiko yake kufuatia shambulio la leo la kombora dhidi ya mji wa Vinnytsia ulioko eneo la kati nchini Ukraine, shambulio lililosababisha vifo vya takribani watu 22.
Eneo la biashara huru barani Afrika linakua, idadi ya watu wenye kipato cha kati inaongezeka, halikadhalika soko la walaji linaibuka sambamba na huduma za kifedha na teknolojia, imesema Kamati ya Umoja wa Mataifa ya biashara na maendeleo, UNCTAD hii leo huku ikitanabaisha kuwa mambo yote hayo ni fursa kubwa kwa Afrika kupanua vyanzo vyake vya kujipatia kipato.
Shirika la Umoja wa Mataifa la kuhudumia wakimbizi, UNHCR limeendelea kutoa wito wa sitisho la mashambulizi dhidi ya raia jimboni Kivu Kaskazini nchini Jamhuri ya Kidemokrasia ya Congo, DRC ambako matukio hayo yameendelea kusababisha vifo miongoni mwa raia.
Ikiwa ni wiki moja baada ya dunia kuadhimisha kwa mara ya kwanza siku ya Kimataifa ya Kiswahili tarehe 7 Julai, wadau wa elimu nchini Jamuhuri ya kidemokrasia ya congo DRC wamesema nimuda muafaka wa Kiswahili kuchukua nafasi kubwa ya kufundishia wanafunzi badala ya lugha ya kiingereza na kifaransa zinazo tumika sasa.
Wanawake wanaofanya kazi katika sekta ya afya na huduma wanalipwa ujira mdogo zaidi kuliko sekta nyingine za kiuchumi na wanalipwa asilimia 24 pungufu ya wenzao wa kiume hata pale wanapokuwa na vigezo sawa katika soko la ajira.
Hii leo huko Istanbul Uturuki tumeshuhudia hatua muhimu ya kuhakikisha kuwa mazao ya chakula zikiwemo nafaka kutoka Ukraine yanasafirishwa na kuuzwa nje ya nchi hiyo kwa usalama kupitia Bahari Nyeusi, amesema Katibu Mkuu wa Umoja wa Mataifa Antonio Guterres hii leo wakati akizungumza na waandishi wa habari jijini New York, Marekani baada ya makubaliano ya kuwezesha hatua hiyo iliyochukua muda mrefu kufikiwa.
