Ingawa idadi ya wakimbizi na wahamiaji wanaovuka bahari ya Mediteranea kwenda Ulaya imepungua, idadi ya wanaokufa imeongezeka, kwa kuwa safari ni za hatari zaidi, limesema shirika la Umoja wa Mataifa la kuhudumia wakimbizi, UNHCR.
Asilimia 69 ya watu waathirika na manusura wa usafirishaji haramu binadamu nchini Niger ni wanawake na wasichana, limesema shirika la Umoja wa Mataifa la uhamiaji, IOM.
Katika harakati za kuihakikishia dunia uhakika wa chakula, Mfuko wa Kimataifa wa Umoja wa Mataifa wa Maendeleo ya Kilimo, IFAD umewekeza hisa yake ya kwanza ya maendeleo endelevu huko Folksam ambayo ni Kampuni kubwa ya bima na pensheni nchini Sweden.
Ikiwa leo wakuu wa nchi na wanachama wa Shirika la Umoja wa Mataifa la kazi duniani wanakutana katika mkutano wa 110 wa Kimataifa wa wanachama wa shirika hilo kujadili hatua za haraka zinazoweza kuchukuliwa ili kukabiliana na athari za ajira na kijamii za migogoro mingi iliyoibuka duniani nchini Guatemala wadau wamehimiza sekta zote kujumuishwa ili kutatua tatizo la ajira kwa watoto.
Baraza Kuu la Umoja wa Mataifa tarehe 09 juni 2022 limefanya uchaguzi na kuchagua Msumbiji, Ecuador, Japan, Malta na Uswisi kuingia kwenye Baraza la Usalama la Umoja wa Mataifa kwa mihula ya miaka miwili kuanzia tarehe 1 Januari mwaka 2023.
Umoja wa Mataifa umempongeza Rais mpya wa Somalia Hassan Sheikh Mohamud aliyeapishwa hii leo mjini Mogadishu nchini Somalia na kuahidi kutoa ushirikiano kwa serikali yake katika kutimiza vipaumbele vya nchi hiyo.
Vita ya Ukraine imesababisha janga kubwa zaidi la uhamishaji wa watu ulimwenguni hii leo. Mamilioni ya wakimbizi wamevuka na kuingia katika nchi jirani, na wengi zaidi wamekimbia makazi yao ndani ya nchi. Limesema shirika la Umoja wa Mataifa la kuhudumia wakimbizi, UNHCR ambalo linashughulikia hali kadri takwimu mpya zinavyopopatikana.
Mpangilio wa uwekezaji wa moja kwa moja kutoka nje FDI umejikwamua na kurejea katika hali ya kabla ya janga la COVID-19 mwaka jana na kufikia kiwango cha dola trilioni 1.6 lakini matarajio kwa mwaka huu ni mabaya kwa mujibu wa ripoti mpya ya uwekezaji duniani iliyotolewa leo na kamati ya Umoja wa Mataifa ya maendeleo ya uchumi na biashara UNCTAD.
Shirika la Umoja wa Mataifa la Chakula na Kilimo FAO linaendelea na jitihada za kuhakikisha tija inapatikana katika mnyororo mzima wa thamani wa mazao yatokanayo na uvuvi nchini Tanzania kupitia mradi wake wa FISH4ACP unaotekelezwa nchini humo katika mikoa ya Rukwa, Kigoma na Katavi.
Ripoti mpya ya mtazamo wa chakula duniani iliyotolewa leo na shirika la Umoja wa Mataifa la chakula na kilimo FAO inasema watu wasiojiweza na walio hatarini duniani ndio wanaolipa gharama kubwa kwa chalkula kidogo na hivyo kuwaweka katika hatari kubwa ya kutokuwa na uhakika wa chakula kutokana na bei za juu za chakula hicho na pembejeo za kilimo.
