Mwendesha mashtaka mkuu wa mahakama ya kimataifa ya uhalifu, ICC, Fatou Bensouda ameamua kuanzisha uchunguzi wa awali dhidi ya ukiukwaji wa haki za binadamu wakati wa kile kilichopatiwa jina la operesheni maalum nchini Venezuela na Ufilipino.
Wakati vita na majanga yatokanayo na mabadiliko ya tabia nchi vikiendelea kupandisha idadi ya wanaokabiliwa na njaa duniani baada ya idadi hiyo kupungua kwa miongo, sasa shirika la chakula na kilimo FAO linahitaji zaidi ya dola bilioni moja ili kuokoa maisha na kushughulikia tatizo la njaa kwa nchi 26.
Mashirika ya Umoja wa Mataifa ikiwemo lile la mpango wa chakula, WFP na lile la chakula na kilimo FAO na ofisi ya usaidizi wa dharura, OCHA yamesema kwamba ukosefu wa nvua mwishoni mwa mwaka 2017 na mwanzoni mwa mwaka huu wa 2018 unahatarisha uzalishaji wa chakula kwa nchi za kusini mwa Afrika.
Shirika la muungano wa skauti duniani (WOSM) na shirika la Umoja wa Mataifa la mpango wa mazingira UNEP leo wamedumisha ushirikiano wao kuhusu masuala ya mazingira kwa kutambua changamoto kubwa zinazoikabili dunia hivi sasa na umuhimu wa mchango wa vijana katika kujenga dunia endelevu kandoni mwa jukwaa la kimataifa la miji mjini Kuala Lumpur.
Juma hili maelfu ya watu na hususani wanamichezo wanakusanyika mjini PyeongChang huko Jamhuri ya Korea, kwa ni ya kushiriki mashindano ya Olimpiki ambayo ni ya kirafiki, yenye mshikamano, na ya kuheshimiana.
Baada ya kuonekana kuwa wananufaika na walengwa kwa muda mrefu, wanawake sasa ni vinara wa kuleta mabadiliko katika miji endelevu, na hii imewezekana baada ya wenyewe kuwa mstari wa mbele kutambua shida zinazowakabili na majibu sahihi ya matatizo yao.
Zaidi ya askari watoto 300 waliokuwa wapiganaji wakiwemo wasichana 87 leo, wameachiliwa huru na makundi kadhaa ya wapiganaji nchini Sudan Kusini.
Nchini Djibouti, ngariba aliyekuwa akitumia mikono yake kukeketa watoto wa kike na wanawake, FGM sasa anatumia mikono hiyo kusaidia wanawake wajifungue salama. Ngariba huyo Fatouma Ali baada ya kubadilika amesaidia kuepusha watoto wa kike zaidi ya 200 wasikumbwa na ukeketaji.
Amkani si shwari tena huko Maldives na Umoja wa Mataifa umepaza sauti ili serikali ihakikishe usalama wa raia pamoja na wafanyakazi wa mahakama.
Zaidi ya wakimbizi 400,000 wa Burundi waliokimbia machafuko na kutokuwepo usalama nchini mwao sasa, wanahitaji msaada wa haraka na ukata unatishia mustakhbali wao, limeonya leo shirika la Umoja wa mataifa la kuhudumia wakimbizi UNHCR. Siraj Kalyango na tarifa kamili
