Habari Mpya

Katibu Mkuu wa Umoja wa Mataifa Antonio Guterres hii leo nchini Uturuki ametembelea na kukagua shughuli zinazoendelea za ukaguzi wa meli kutoka Ukraine zenye shehena ya nafaka zinazoenda kuuzwa katika soko la kimataifa na kupongeza muungano wa wakaguzi hao kutoka Ukraine , Urusi, Uturuki na Umoja wa Mataifa kwa kazi nzuri wanayofanya ambayo itasaidia dunia kuondokana na upungufu wa chakula uliosababisha bei kupanda na kuathiri zaidi nchi zinazoendelea zenye rasilimali chache kuweza kukidhi mahitaji ya wananchi wake. 

Mkuu wa Ofisi ya Umoja wa Mataifa ya kuratibu misaada ya dharura, OCHA, Martin Griffiths ametoa dola milioni 10 kutoka Mfuko wa Dharura wa UN, CERF ili kuongeza kasi ya utoaji wa misaada ya dharura nchini Somalia, taifa la Pembe ya Afrika ambalo liko katika hatari ya kutumbukia kwenye korongo baada ya ukame mbayá zaidi katika kipindi cha miaka 40.

Katika Siku ya usaidizi wa kibinadamu Duniani, inayoadhimishwa kila mwaka tarehe 19 Agosti, wafanyakazi wa misaada Ahmad Alragheb, anayeishi nchini Syria, na Veronica Houser, aliyeko Afghanistan, wanazungumza kuhusu juhudi muhimu za kibinadamu katika nchi hizi, na changamoto wanazokabiliana nazo wao na wenzao.

Leo hii Odesa ni zaidi ya bandari ya kusafirisha, shehena, amesema Katibu Mkuu wa Umoja wa Mataifa Antonio Guterres hii leo alipotembelea bandari hiyo iliyoko Ukraine, kujionea upakiaji wa shehena za nafaka na chakula kufuatia makubaliano ya kusafirisha nafaka kupitia Bahari Nyeusi, makubaliano yaliyowezesha kuanza kusafirishwa kwa bidhaa hizo kwenda soko la dunia licha ya uvamizi unaoendelea wa Urusi nchini Ukraine. 

Hii leo ikiwa ni siku ya kimataifa ya utoaji wa misaada ya kibinadamu, Katibu Mkuu wa Umoja wa Mataifa Antonio Guterres amepazia sauti watoa huduma za kibinadamu ambao hufanya kazi kutwa kucha ili dunia iwe pahala bora hasa wale wanaopitia majanga wanaojikuta wao wenyewe wakibeba jukumu la kutoa msaada. 

Shirika la Umoja wa Mataifa la mpango wa maendeleo duniani, UNDP nchini Mexico linafadhili miradi ya maabara za wabunifu wanaopatia majawabu changamoto za kijamii zitokanazo na  matatizo yanayowazunguka. Miongoni mwa miradi hiyo ni ule wa kusafisha fukwe za bahari na uchafu unaokusanywa ukiwemo mwani aina ya Sargusssum, kutumika kutengeneza nyumba. 

Katibu Mkuu wa Umoja wa Mataifa ameeleza wasiwasi wake mkubwa kufuatia mfululizo wa milipuko inayotokea nchini Afghanistan ambayo imeua na kujeruhi zaidi ya watu 250 mwezi huu wa Agosti, ikiwa ni pamoja na watoto.

Katibu Mkuu wa Umoja wa Mataifa Antonio Guterres amezungumza na waandishi wa habari huko Lviv nchini Ukraine ambako pamoja na kupongeza mafanikio yatokanayo na kuanza kutekelezwa kwa makubaliano ya kusafirisha kutoka nchini humo bidhaa za nafaka na mbolea, amesema bado hatua kubwa inayotakiwa kuchukuliwa ni kumaliza vita vinavyoendelea.

Kuelekea siku ya kimataifa ya usaidizi wa kibinadamu mwaka huu wa 2022 tunamulika watu wa kawaida waliosaidiwa au kusaidia wengine, ikiwa ni kuendana na maudhui ya mwaka huu yanayomulika wale watoao misaada kwenye maeneo yao.

 

Kila siku asubuhi na mapema kukipambazuka na jua kuchomoza Rahot mwenye umri wa miaka 55 huamka na kumbeba mgongoni mjukuu wake Hassan tayari kwakuaza safari ya takriban kilometa 20 yenye vilima kwenda kituo cha kumpatia lishe mjukuu huyo ili kuokoa maisha yake kutokana na kuwa na utapiamlo mkali.