Ikiwa leo ni siku ya Kimataifa ya saratani ya utotoni, 15 Februari 2022, Shirika la Umoja wa Mataifa la afya ulimwenguni WHO barani ulaya limetoa ripoti inayoonesha kukosekana kwa usawa baina ya nchi na nchi kwa suala la saratani ya watoto katika Kanda ya Ulaya ya WHO.
Ukame wa muda mrefu ulioghubika eneo la Pembe ya Afrika ikiwemo nchini Kenya unachochea hali mbaya ya kutokuwa na uhakika wa chakula limeonya shirika la chakula na kilimo la Umoja wa Mataifa FAO na kuongeza kuwa sasa watu milioni 12 hadi milioni 14 katika eneo hilo wako katika hatari wakati huu mazao yao yakiendelea kukauka na mifugo kudhoofika.
Shirika la Umoja wa Mataifa la Chakula na Kilimo, FAO linawasaidia wakulima wanaoishi katika mazingira magumu katika viunga vya nje kidogo ya mji mkuu wa Syria, Damascus kukabiliana vyema na mabadiliko ya tabianchi kwa kulima mimea ya dungusikakati isiyo na miba ili waweze kuwalisha mifugo wao hasa nyakati za ukame. Taarifa ya Anold Kayanda inafafanua zaidi.
Redio Kwizera ya wilayani Ngara mkoani Kagera Tanzania, tangu mwaka 1995 ilipoanzishwa na huduma ya majesuit wa kikatoliki kwa wakimbizi (JRS) kwa ushirikiano na shirika la Umoja wa Mataifa la kuhudumia wakimbizi UNHCR, ikiwa ni hatua ya kutaka kuwasaidia wakimbizi kukutana na wapendwa wao waliopoteana nao wakati wa kukimbia vita ya kimbari nchini Rwanda mwaka 1994, imeendelea kuwa msaada kwa wakimbizi na wenyeji.
Katibu Mkuu wa Umoja wa Mataifa António Guterres ameeleza wasiwasi wake hii leo Jumatatu kuhusu hatari ya mzozo wa kijeshi nchini Ukraine na kutoa wito wa kuimarishwa kwa juhudi za kidiplomasia.
Leo mfuko wa pamoja wa Umoja wa Mataifa wa malengo ya maendeleo endelevu SDGs umetangaza upanuzi wa kihistoria wa uwekezaji wake kwa masoko matano mapya kote ulimwenguni na kwa kuongeza dola za Kimarekani milioni 54.5 katika uwekezaji wa ziada ili kuokoa malengo hayo ya maendeleo endelevu.
Ujumbe wa Umoja wa Mataifa nchini Afghanistan, UNAMA umesema baada ya wiki kadhaa za kutoweka na kutokuwa na uhakika kuhusu waliko wanaharakati wanawake wanne na jamaa zao kumi na tisa, wanaharakati hao wameachiliwa na mamlaka.
Shirika la Umoja wa Mataifa la kuhudumia watoto UNICEF na serikali ya Japani wametangaza ushirikiano mpya wa kuchangia dola milioni 1.25 kuisaidia serikali ya Ufalme wa Tonga kuhakikisha kuwa takriban watu 19,250 wakiwemo watoto 10,000 walioathiriwa na mlipuko wa volcano na tsunami hivi karibuni wanapata maji safi ya kutosha ya kunywa, mazingira safi , pamoja na afya njema.
Hadi kufikia sasa watu 121 wameshapoteza maisha na wengine 29,000 wametawanywa kutokana na kuzuka kwa kimbunga Batsirai , kwa mujibu wa taarifa mpya zilizo[pokelewa na shirika la Umoja wa Mataifa la kuratibu misaada ya kibinadamu OCHA.
Leo ni siku ya kimataifa ya redio duniani maudhui makuu yakiwa ni Imani kwa Radio. Siku hii ilianza kuadhimishwa rasmi mwaka 2013 kufuatia azimio la Baraza Kuu la Umoja wa Mataifa la mwaka 2012.
