Serikali ya Tanzania inaanza rasmi kesho Juni Mosi utekelezaji wa hatua ya kuachana na mifuko ya plastiki kwa kubebea bidhaa kuanzia nyumbani, madukani na hata masokoni.
Serikali ya Msumbiji leo inafanya mkutano wa kimataifa wa ufadhili mjini Beira kwa ajili ya kuomba msaada wa ujenzi mpya wa kijamii, uzalishaji na miundombinu baada ya athari za vimbunga Idai na Keneth.
Gharama za magonjwa yatokanayo na matumizi ya tumbaku kila mwaka ni dola trilioni 1.4 kote ulimwenguni kwa mujibu wa taarifa ya Shirika la afya duniani, WHO iliyotolewa leo Mei 31 kuadhimisha siku ya kimataifa ya kupinga matumizi ya tumbaku.
Katibu Mkuu wa Umoja wa Mataifa Antonio Guterres hii leo amepokea tuzo ya Charlemangne huko mjini Aachen nchini Ujerumani na kusema kuwa ni heshima kubwa sana kwake.
Mkutano wa tatu wa kimataifa kuhusu akili bandia, au AI ukiendelea huko Geneva, Uswisi, nchini Tanzania inaelezwa kuwa tayari akili bandia imeanza kutumika kuboresha huduma za afya hasa katika maeneo yenye uhaba wa daktari.
Nchini Malawi karibu nusu ya wasicha wote huolewa kabla ya kutimiza umri wa miaka 18 na hivyo hukosa elimu, hukabiliwa na ndoa za utotoni na pia athari nyingine kubwa za kiafya ikiwemo fistula na hata kupoteza maisha kutokana na kujifungua wakiwa na umri mdogo. Sasa wanaharakati wamelivalia njuga sula hilo ambalo mzizi wake ni mila na desturi.
Kuelekea maadhimisho ya siku ya kimataifa duniani ya kutovuta tumbaku keshokutwa Ijumaa, shirika la afya ulimwenguni, WHO linaangazia madhara ya matumizi ya tumbaku kwa mapafu ya binadamu ikielezwa kuwa zaidi ya asilimia 40 ya vifo vihusianavyo na utumiaji wa tumbaku vilihusiana na magonjwa kama saratani, magonjwa sugu ya njia ya hewa na Kifua Kikuu.
Leo ni siku ya walinda amani duniani ambapo nchini Jamhuri ya Kidemokrasia ya Congo, DRC, polisi wa Umoja wa Mataifa UNPOL wanashirikiana na polisi nchini humo, PNC katika kuhakikisha ulinzi wa raia.
Ulinzi wa amani si chaguo ni wajibu ambao kila mtu katika jamii anapaswa kuuvaa, kwani bila amani jamii husambatarika. Nani katoa kauli hiyo tuungane na Jason Nyakundi anatupasha zaidi
Mkutano wa Baraza Kuu la shirika la afya duniani, WHO umefikia ukingoni leo kwa kupitisha azimio linalohusu kuboresha suala la uwazi wa masoko ya dawa, chanjo na bidhaa nyingine za afya katika jitihada za uwezekano katika kurahisisha upatikanaji bidhaa hizo.
