Kwa zaidi ya kipindi cha siku tatu, mahakama ya kuhamahama inayofadhiliwa na ujumbe wa Umoja wa Mataifa nchini Sudan Kusini, UNMISS, imekuwa katika mji wa Malakal jimbo la Upper Nile nchini Sudan Kusini ili kushughulikia kesi kadhaa zikiwahusisha watu ambao walitenda makossa makubwa yakiwemo kesi mbili za unyanyasaji wa kingono na moja ya unyanganyi kwa kutumia silaha.
Baraza la Usalama la Umoja wa Mataifa leo limepitisha azimio lenye lengo la kufanikisha suala la kunyamazisha silaha barani Afrika, kwa kuzingatia kuwa mizozo inayorindima katika maeneo mbalimbali kwenye eneo hilo imekuwa kikwazo katika kufanikisha amani, usalama na maendeleo endelevu barani humo.
Kuwekeza kwa vijana wakimbizi walio kamimbini Kakuma nchini Kenya ni kuwekeza kwa amani na utulivu kwa kikanda . Hayo yamesemwa na mwakilishi maalumu wa kamishina mkuu wa shirika la Umoja wa Mataifa la kuhudumia wakimbizi UNHCR kwa ajili ya Pembe ya Afrika, balozi Mohamed Affey baada ya kutembelea kambi ya wakimbizi ya Kakuma .
Mkataba wa amani uliotiwa saini hivi karibuni Sudan Kusini wawa hamasa kubwa kwa mamia ya wakimbizi wa nchi hiyo walioko Sudan kutaka kurejea nyumbani , baada ya kuishi ukimbizini kwa miaka mingi.
Wakati maelfu ya watu kwa mara nyingine wakifurushwa makwao kwa sababu ya machafuko nchini Sudan kusini , tume ya haki za binadamu kwa ajili ya Sudan Kusini imeitaka serikali ya nchi hiyo na pande zote katika mzozo kuheshimu mkataba wa usitishaji uhasama na kutekeleza mkataba huo mpaya wa amani uliotiwa saini miezi mitano iliyopita.
Ripoti ya Umoja wa Mataifa iliyotolewa leo inaonyesha ongezeko la ukatili wa kingono katika jimbo la Unity kaskazini mwa Sudan Kusini, ikisema wanawake 134 na wasichana wamebakwa na wengine 41 wamekumbwa na aina nyingine za ukatili wa kingono kati ya Septemba na Disemba 2018.
Kampeni kubwa inafanyika jimboni Wau nchini Sudan Kusini kwa ushirikiano wa Umoja wa Mataifa, serikali na wenyeji ili kujenga mazingira salama na stahiki na hatimaye familia za wakimbizi wa ndani zilizotawanywa na miaka ya vita vya wenyewe kwa wenyewe ziweze kurejea nyumbani.
Maisha ya watoto wengine 119 yamenusurika leo baada ya kuachiliwa na makundi yenye silaha nchini Sudan Kusini na hivyo kufanya idadi ya watoto walioachiliwa tangu kuanza kwa mzozo nchini humo kufikia zaidi ya 3100.
Shirika la Umoja wa Mataifa la kuhudumia wakimbizi, UNHCR limesema limeshuhudia ongezeko la wakimbizi kutoka nchini Sudan Kusini wanaowasili nchini Jamhuri ya Kidemokrasia ya Kongo,DRC.
Mkutano wa wakuu wa nchi wanachama wa Muungano wa Afrika, AU ukianza kesho Jumamosi huko Addis Ababa Ethiopia, takribani Watoto milioni 13.5 barani Afrika wamefurushwa makwao.
