Viongozi wa mashirika mbalimbali ya Umoja wa Mataifa likiwemo la kuhudumia watoto, UNICEF, la kupambana na UKIMWI, UNAIDS na la kuhudumia wakimbizi UNHCR, kwa kushirikiana na wadau wametoa mawazo yao kuhusu kubadilisha mfumo wa elimu ili uendani na wakati na pia usimwache yeyote nyuma bila kujali aliko na hali yake.
Leo mkutano wa ngazi za juu wa Umoja wa Mataifa kuhusu marekebisho ya mfumo wa elimu umekunja jamvi. Mmoja wa waliohudhuria ni kijana Cherinet Harifo kutoka Tigray Ethiopia ambaye katika mkutano huu ameziwakilisha nchi mbili, Ethiopia na Eritrea. Yeye msimamo wake ni kwamba, ili kutatua matatizo ya elimu, ni muhimu kwanza viongozi wafahamu matatizo yenyewe ni yapi kwa kila nchi na eneo kwani kila sehemu ina matatizo yake mahususi. Nahicho ndicho kimemleta katika mkutano huu. Kupitia makala hii, kijana huyo anaeleza changamoto zizoikabili nchi yake na nchi jirani ya Eritrea.
Kaunti ya Turkana nchini Kenya inakabiliwa na ukame wa muda mrefu. Ili kusaidia kuimarisha mifumo ya lishe, shirika la Umoja wa Mataifa la kuhudumia watoto, UNICEF, nchini Kenya limeanzisha mfumo wa simu za mkononi uitwao RapidPro. Huduma hii huwezesha vituo vya afya kushirikishana ujumbe wa lishe na wafanyakazi wa kujitolea wa afya ya jamii, ambao huripoti taarifa na takwimu mbalimbali za kiafya kuhusu jamii zao.
Kuanzia wiki hii viongozi wa ulimwengu wanamiminika jijini New York Marekani kwenye makao makuu ya Umoja wa Mataifa kushiriki Mkutano wa Baraza Kuu la Umoja wa Mataifa. Mambo kadhaa yatajadiliwa ikiwemo amani, haki za binadamu, uchumi na kuilinda sayari dunia dhidi ya uharibifu unaochochea majanga. Ulimwengu tayari umebaini kuwa changamoto zimefungana na hivyo majawabu yanapaswa kutafutwa kwa kushirikiana. Katika maeneo ambayo ushirikiano umefanyika ili kutafuta ufumbuzi wa jambo, matunda yameonekana.
Kibondo Big Power Group (KBPG) ni ushirika wa kilimo mkoani Kigoma, kaskazini magharibi mwa Tanzania. Shirika la mitaji la Umoja wa Mataifa, UNCDF lilisaidia KBPG kwa msaada wa kifedha ambao ulitumika kupanua shughuli zake kwa kufanya shughuli zifuatazo: kuchimba kisima cha maji mita 100, ununuzi wa pampu ya maji ya jua na ujenzi wa ghala na nyumba za kukausha jua za mihogo na chanja na mtaji wa kufanyia kazi. Hamad Rashid wa redio washirika Hamad Rashid wa redio washirika wa Redio washirika wetu MVIWATA FM ya mkoani Morogoro, Tanzania anasimulia zaidi.
Kamati ya kudumu ya ulinzi na usalama ya Bunge la Tanzania imefanya ziara nchini Jamhuri ya Afrika ya Kati, CAR ili kujionea shughuli za ulinzi wa amani zinazotekelezwa na vikosi vya nchi mbalimbali kupitia ujumbe wa Umoja wa Mataifa wa kulinda amani nchini humo, MINUSCA. Tanzania ni miongoni mwa nchi zinazochangia ulinzi wa amani kwa kupeleka wanajeshi walinda amnai ambapo kwa sasa kikosi kinachohudumu nchini CAR ni kikosi cha 5 kutoka tangu Tanzania ilipanza kupeleka walinda amani nchini humo ili kusaidia kulinda raia na kusimamia amani.
Kutana na Alex Safari kutoka Goma mji mkuu wa jimbo la Kivu Kaskazini nchini Jamhuri ya Kidemokrasia ya Congo, mtaalamu huyu wa kutengeneza simu DRC ambaye kwa msaada wa mpango wa Ujumbe wa Umoja wa Mataifa wa kulinda amani nchini humo MONUSCO aliweza kupatia mafunzo au formation[FORMASSION] kwa lugha ya kifaransa, vijana wa kike na wa kiume, wakiwemo waliotumikishwa vitani , mafunzo ambayo sio tu yaliwaepusha kujihusisha na vita na kuzurura mitaani bali yamebadili maisha yao. Assumpta Massoi alifika kitongoji cha Majengo jimboni humo ku
Mradi wa nishati ya maji wa AHEPO upo katika kijiji cha Lifakara kwenye maporomoko ya Mbangamao kwenye mto Mtandasi wilayani Mbinga mkoani , Ruvuma Kusini mwa Tanzania.
Mradi huo ambao unafadhiliwa na shirika la mitaji la Umoja wa Mataifa UNCDF unalenga sio tu kuwapunguzia adha wananchi wa wilaya hiyo bali pia kubadili kabisha maisha yao ya kiuchumia na kijamii kwa kuwapata nishati mbadala kwani fursa ya nishati ni kitovu cha maendeleo ya jamii yoyote na ni moja ya mambo ya lazima katika kukidhi mahitaji muhimu na ya msingi ya binadamu.
Nchini Tanzania jijini Mwanza kunafanyika maonesho ya wafanyabiashara kutoka nchi za Afrika Mashariki lengo ni kuonesha ubunifu katika sekta za kilimo, Afya,Sayansi, uchumi na utamaduni.
Evarist Mapesa wa redio washirika SAUT FM iliyoko jijini Mwanza ametembelea maonesho hayo na kutuandalia makala hii.
Shirika la vijana nchini Tanzania linalofahamika kwa jina Mulika Tanzania, ambayo ni asasi ya kiraia yenye lengo la kuwahimiza vijana kushiriki katika miradi mbalimbali yenye fursa ili waweze kujikwamua kiuchumi, kisiasa na kijamii sasa limejielekeza katika kuhamasisha maisha yenye afya kwa vijana kwani bila afya, itakuwa vigumu kuyafikia malengo mengine ya maendeleo endelevu yanayohamasishwa na Umoja wa Mataifa kwa lengo kuu la kuyafikia yote ifikapo mwa ka 2030.
