Hii leo katika Habari za UN ni mada kwa kina na Flora Nducha anakupeleka nchini Jamhuri ya Kidemokrasia ya Congo, DRC ambako Umoja wa Mataifa umewezesha vijana sasa kuweza kujihudumia kupitia mafunzo ya kutengeneza simu janja. Msichana Sintyashi Kyaula anaeleza hali ilivyokubwa kabla ya mafunzo na baada ya mafunzo, akiwa kwenye kioski chake cha kutengeneza simu kwenye kitongoji cha Majengo, Goma, mji mkuu wa jimbo la Kivu Kaskazini.
Hii leo katika Habari za UN, Flora Nducha anaanzia na masuala ya elimu, hususan kwa kuzingatia kuwa mkutano wa ngazi ya juu wa viongozi kuhusu marekebisho ya mfumo wa elimu duniani unaanza Ijumaa hii kwenye makao makuu ya UN, New York, Marekani. Suala la watoto wa kike kuenguliwa kwenye hisabati kutokana na kukoseshwa fursa. Halikadhalika suala la haki ya elimu kupaswa kupiganiwa hivi sasa kwa kuwa elimu wanayopata watoto wengi duniani haikidhi mahitaji ya dunia hivi sasa.
Leo katika Habari za UN ni Mada kwa kina tukikupeleka Vanga Kaunti ya Kwale nchini Kenya ambako kwa miaka nenda miaka rudi sanaa imekuwa ikitumika kuhamasisha masuala mbalimbali yahusuyo jamii hiyo ambayo ni ya wavuvi.
Mashinani tunasikia kauli ya Rais wa Mkutano wa 77 wa Baraza Kuu la Umoja wa Mataifa ,UNGA77 unaoanza rasmi hii leo. Je amepana kufanya nini?
Hii leo jaridani Flora Nducha anaanza kwa taarifa ya kwamba utumwa wa kisasa una aina mbalimbali ikiwemo kwenye ajira na pia kwenye ndoa. Kisha anakupeleka kaunti ya Tukrana nchini Kenya ambako UNICEF imenusuru wanawake na mwendo mrefu wa kusaka maji kwa kuwajengea mabwawa ya mchanga. Makala anakukutanisha na Hamad Rashid wa redio washirika MVIWATA FM mkoani Morogoro akikuletea mradi wa UNCDF ambao umekwamua maisha ya wakazi wa Kibondo mkoani Kigoma Tanzania kupitia ushirika wa kilimo uitwao Kibondo Big Power Group.
Katika Jarida la habari la Umoja wa Mataifa leo Ijumaa Flora Nducha anakuletea
-Katika siku ya kimataifa ya kulinda shule dhidi ya mashambulizi mashirika ya Umoja wa Mataifa la kuhudumia watoto UNICEF na la elimu sayansi na utamaduni UNESCO yanasema Afrika ya Kati na Magharibi ni nyumbani kwa karibu robo ya watoto wote duniani wasiokwenda shule
Katika jarida la mada kwa kina hii leo kutoka Umoja wa Mataifa, Flora Nducha anakuletea
-Ripoti mpya iliyotolewa leo na shirika la Umoja wa Mataifa la mpango wa Maendeleo UNDP kuhusu maendeleo ya binadamu inaonyesha kuwa maendeleo hayo ya binadamu ynashuka kwa karibu asilimia 90 ya nchi duniani
Katika jarida la Umoja wa Mataifa hii leo Flora Nducha anakuletea
-Katibu Mkuu UN atoa wito kwa ushirikiano wa kimataifa kukabiliana na uchafuzi wa hali ya hewa katika siku ya kimataifa ya hewa safi kwa ajili ya anga ya bluu
-Hatuwezi kusubiri hadi baa la njaa litangazwe Somalia tunafanya kila tuwezalo kuwanusuru Wasomali limesema shirika la Umoja wa Mataifa la mpango wa chakula duniani WFP
Katika Jarida la mada kwa kina hii leo Flora Nducha anakuletea
-Mashirika ya misaada ya kibinadamu yamesema Somalia imefikia kkatika hali mbayá sana. Maisha ya mamia ya maelfu ya watu yamo hatarini hivi sasa kutokana na tathimini iliyofanywa hivi karibuni kuhusu uhakika wa chakula na lishe. Baa la njaa linajitokeza katika wilaya za Baidoa na Burkhakaba kwenye jimbo la Bay lina uwezekano wa kudumu hadi Machi 2023 ikiwa msaada wa kibinadamu hautaongezwa kwa kiasi kikubwa na mara moja.
Ungana na Flora Nducha anayekuletea jarida kutoka kila kona ya dunia na kuanzia huko Pakistan
- Mashirika ya Umoja wa Mataifa yanafanya kila juhudi kuhakikisha yanasaidia zaidi ya watu milioni 33 walioathirika na mafuriko nchini Pakistan baada ya mvua za monsoon kunyesha kwa kiwango kikubwa sana na kusababisha vifo vya zaidi ya watu 1200 huku yakiharibu kabisa miundo mbinu mingine.
Katika Jarida la mada kwa kina hii leo Flora Nducha anakuletea
-Msimu mpya wa shule ukianza sehemu mbalimbali duniani , takwimu mpya zilizotolewa leo mjini Paris Ufaransa na shirika la Umoja wa Mataifa la elimu, sayansi na utamaduni UNESCO zinaonyesha kwamba watoto na vijana milioni 244 wenye umri wa kati ya miaka 6 na 18 duniani kote bado hawako shule.
-Mkuu wa masuala ya kibinadamu wa Umoja wa Mataifa Martin Griffiths leo ameanza ziara nchini Somalia kushuhudia hali halisi ya njaa na kutathimini mahitaji ya walioathirika na ukame na hatua zinazochukuliwa kuwasaidia.
