Vitendo vya ugaidi dhidi ya raia vyamchukiza Ban

19 Disemba 2014

Katibu Mkuu wa Umoja wa Mataifa Ban Ki-moon ameelezea kufedheheshwa kwa mashambulizi dhidi ya raia ambapo amelaani vitendo hivyo vinavyolenga wananchi wasio na hatia wakiwemo wanawake na watoto.

Taarifa ya msemaji wa Umoja wa Mataifa imemkariri Ban akitolea mfano mashambulizi ya wiki hii pekee huko Nigeria, Yemen na Pakistan akitaka wahusika wa vitendo hivyo wafikishwe mbele ya sheria.

Aidha, Katibu Mkuu ametuma salamu zake za rambirambi kwa familia za wahanga na kuonyesha mshikamano wake na serikali na watu wa nchi husika katika vita dhidi ya ugaidi.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud