Habari Mpya

Wakati jukwaa la kamisheni ya hali ya wanawake duniani kikao cha 68 au CSW68 likiendelea hapa makao Makuu ya Umoja wa Mataifa likibeba maudhui yanayochagiza usawa wa kijinsia na kuwezesha wanawake leo tunakukutanisha na wanawake wa shoka, maswahiba wawili wahandisi wa usanifu majengo waliodhamiria kujenga mnepo dhidi ya mabadiliko ya tabianchi na kupunguza changamoto ya hewa uka katika sekta ya ujenzi kwa kutumia tofali za matope. 

Shirika la Umoja wa Mataifa la Mpango wa Chakula Duniani WFP hii leo linaonya kuwa litalazimika kusitisha misaada ya kuokoa maisha nchini Chad ifikapo mwezi ujao wa Aprili iwapo litakosa ufadhili wa haraka kwa ajili ya kusaidia wakimbizi.

Kwa mara ya kwanza baada ya wiki kadhaa, msaada wa kutosha watu 25,000 umefika katika Jiji la Gaza limesema shirika la Umoja wa Mataifa la  Mpango wa Chakula duniani WFP hii leo wakati wakitoa wito wa kuruhusiwa kuingia kwa misheni za misaada kila siku na ufikiaji bora huko Gaza.

Meli iliyosheheni misaada ya kibinadamu imeanza safari yake kutoka Cyprus kuelekea Gaza ikiwa na shehena ya tani 200 za misaada ya kuokoa maisha kwa ajili ya wananchi wa Gaza. 

Jukwaa la Kamisheni ya Wanawake duniani, CSW, ni kichocheo cha mabadiliko tunayohitaji, amesema Katibu Mkuu wa Umoja wa Mataifa António Guterres hii leo wakati wa ufunguzi wa mkutano 68 wa Kamisheni hiyo, CSW68 jijini New York, Marekani mkutano utakaofanyika kwa wiki mbili.

Wadau wa masuala ya kibinadamu wa Umoja wa Mataifa leo wamesema licha ya kuanza kwa mfungo wa mwezi mtukufu wa Ramadhan duniani kote , madhila kwa raia Ukanda wa Gaza yanaendelea, mashambulizi ya makombora, yakiendelea kughubika eneo hilo na misaada ya kibinadamu ikizidi kuwa finyu.

Jumuiya ya kibinadamu nchini Haiti inaendelea kufanya kila iwezalo kutoa msaada kwa watu wenye uhitaji, licha ya hatari kwa usalama wa wafanyakazi wanaosambaza misaada hiyo, imeeleza taarifa iliyotolewa leo Machi 11 na Ofisi ya Umoja wa Mataifa ya uratibu wa misaada ya dharura na kiutu.

Leo ni mwanzo wa mwezi mktukufu wa Ramadhan ambapo Waislamu kote duniani hudumisha na kuchagiza tunu za amani, maridhiano na mshikamano lakini uhasama unaendelea hususani sehemu mbalimbali duniani ikiwemo Gaza ambako mauaji , na mashambulizi hayajakoma amesema Katibu Mkuu wa Umoja wa Mataifa Antonio Guterres akizungumza na waandishi wa habari mjini New York Marekani hii leo. 

Nchini Malawi Mfuko wa Umoja wa Mataifa wa maendeleo ya Kilimo IFAD unatekeleza mradi wa kuwasaidia wanawake wa vijijini kukabiliana na ukosefu wa usawa wa kijinsia na sasa wananachi wanafaidi matunda yake.

Hii leo katika makao makuu ya Umoja wa Mataifa jijini New York, Marekani unaanza mkutano wa 68 wa Kamisheni ya Hali ya Wanawake duniani, CSW68, kusanyiko kubwa zaidi la kila mwaka la Umoja wa Mataifa linalomulika usawa wa jinsia na uwezeshaji wanawake.