Habari Mpya

Mnamo tarehe Mosi Januari mwaka 2016, Malengo 17 ya Maendeleo Endelevu (SDGs) yalianza kufanyiwa kazi rasmi. Tangu wakati huo watu ulimwenguni kote kwa ngazi tofautifauti wamekuwa wakihaha kuhakikisha kufikia mwaka 2030 malengo hayo yanafikiwa. Na kila mara Makao makuu ya Umoja wa Mataifa jijini New York, Marekani yamekuwa uwanja wa wazi kwa wadau kutoka kila pembe ya dunia kuja katika mikutano mbalimbali na kubadilishana uzoefu. 

Takriban watu 80,000 wamekimbia Rafah tangu Jumatatu wiki hii huku kukiwa na mashambulizi yanayoendelea ya Israel ndani na katika viunga vya mji huo wa kusini mwa Gaza usiku kucha kuamkia leo Alhamisi, yameripoti mashirika ya kibinadamu ya Umoja wa Mataifa.

Hofu kubwa ikiendelea kutanda huko Rafah, kusini mwa Gaza wakati huu ikiripotiwa kuwa Israel inataka kuelekeza operesheni zake za kijeshi kwenye eneo hilo, shirika la Umoja wa Mataifa la afya ulimwenguni ,WHO linasema hospitali tayari zimezidiwa uwezo kwani Umoja wa Mataifa umekuwa unasema operesheni hiyo ya kijeshi itasababisha idadi kubwa ya vifo na majeruhi ambao watahitaji huduma za afya.

Wiki za mvua kubwa na mafuriko huko Afrika Mashariki na Pembe ya Afrika kumechuochea ukimbizi amapo mamia ya maelfu ya watu wamefurushwa makwao huko Burundi, Kenya, Rwanda, Somalia na Tanzania ambapo Umoja wa Mataifa unasema hadi tarehe 3 mwezi huu wa Mei, jumla ya 637,000 wameathiriwa, 234,000 kati yao hao wamelazimika kukimbia makwao.

Shirika la Umoja wa Mataifa la Uhamiaji IOM nchini Sudan kusini kwa kushirikiana na wadau wake wa masuala ya kibinadamu wanafanya kazi usiku na mchana kusaidia wakimbizi walioko Sudan wanaotaka kurejea nyumbani nchini Sudan Kusini na kuwaunganisha tena na familia zao. 

Shirika la Umoja wa Mataifa la Mpango wa Chakula Duniani (WFP) kwa msaada wa Muungano wa Ulaya (EU), limeweza kutoa msaada wa dharura wa chakula kwa karibu watu milioni 6.4 nchini Sudan tangu mzozo huo kuzuka nchini Sudan zaidi ya mwaka mmoja uliopita.

Mona alipoanza kufanya kazi ya ukunga katika kituo cha afya mtaani anapoishi miaka 30 iliyopita, alikuwa wa kwanza katika jimbo la Hadramout nchini Yemen.

Baraza Kuu la Umoja wa Mataifa leo Jumanne limepitisha azimio la kutangaza tarehe 25 mwezi Mei kila mwaka kuwa siku ya kimataifa ya mpira wa miguu au kandanda.

Nchini Kenya manusura wa mafuriko yanayoendelea kukumba taifa hilo la Afrika Mashariki wameendelea kupatiwa misaada kutoka mashirika ya Umoja wa Mataifa huku baadhi yao akiwemo mama aliyejifungua mtoto wake wiki moja iliyopita akisimulia hali ilivyokuwa na hivi sasa nini amesaidiwa.

Shirika la Umoja wa Mataifa la uhamiaji IOM leo limezindua Ripoti ya Dunia ya Uhamiaji 2024, ambayo inaonesha mabadiliko makubwa katika mifumo ya uhamiaji duniani, ikiwa ni pamoja na idadi kubwa ya watu waliokimbia makazi yao na pia ongezeko la fedha zinazotumwa na wahamiaji kwenda nchi zao.