Katibu Mkuu wa Umoja wa Mataifa António Guterres amezungumza kwenye mkutano wa viongozi kuhusu Mifumo ya Upatikanaji wa Chakula huko Roma, Italia hii leo akisema bado inastaajabisha kuwa katika dunia yenye utajiri bado kuna watu hawana chakula au wanakufa njaa, huku akipendekeza mambo makuu matatu ya kuzingatia ili kurekebisha mifumo hiyo.
Jukwaa la Umoja wa Mataifa la ngazi ya juu la kisiasa kuhusu malengo ya maendeleo endelevu HLPF limekunja jamvi mwishoni mwa wiki iliyopita kwenye Makao makuu ya Umoja wa Mataifa New York Marekani baada ya siku 10 za tathimini ya utekelezaji wa malengo hayo au SDGs.
Maafisa waandamizi wa Umoja wa Mataifa wamelaani vkali mashambulio makubwa yaliyofanywa na makombora ya Urusi dhidi ya mji wa Odesa nchini Ukraine, mashambulio ambayo yameharibu majengo kadhaa ya kihistoria.
Shirika la Umoja wa Mataifa la Afya ulimwenguni, WHO, hii leo limezindua mwongozo wa kisayansi na kimaadili kuhusu Virusi Vya Ukimwi, VVU au HIV vinavyosababisha UKIMWI au AIDS, mwongozo ambao pamoja na mambo mengine unafafanua ni kwa jinsi gani matumizi sahihi na ya wakati wa dawa za kupunguza makali ya UKIMWI yanaweza kuondoa hatari ya anayeishi na VVU kuambukiza kwa mpenzi wake au kutoka kwa mama kwenda kwa mtoto.
Shirika la Umoja wa Mataifa la mpango wa chakula duniani WFP limesema limeshitushwa na limesikitishwa sana kuthibitisha kwamba mfanyakazi wake mmoja amepigwa risasi na kuuawa na watu wasiojulikana leo Ijumaa mchana huko Turbah, kusini magharibi mwa Yemen.
Wimbi jipya la mashambulizi yanayofanywa na Urusi dhidi ya bandari nchini Ukraine linasababisha madhara makubwa duniani ikiwemo changamoto katika uhakika wa upatikanaji wa chakula hasa katika nchi zinazoendelea.
Athari mbaya za vita ya Sudan zinaleta athari kwenye njaa na uhamiaji katika Afrika Magharibi na Kati, na kuharibu rasilimali chache zilizopo kwa haraka, kuumiza zaidi mwitikio wa kibinadamu ambao tayari haujafadhiliwa, na kuzidisha mivutano kati ya jamii, linaeleza shirika la Umoja wa Mataifa la Mpango wa Chakula (WFP).
Shirika la Umoja wa Mataifa la Afya ulimwenguni WHO limesema takriban nusu ya idadi ya watu ulimwenguni hivi sasa wapo hatarini kuungua ugonjwa wa Dengue huku ikikadiriwa kila mwaka watu kati ya milioni 100 mpaka 400 wanapata maambukizi.
Jukwaa la Umoja wa Mataifa la ngazi ya juu la kisiasa kuhusu malengo ya maendeleo endelevu HLPF limekunja jamvi jana hapa Makao makuu ya Umoja wa Mataifa New York Marekani baada ya siku 10 za tathimini ya utekelezaji wa malengo hayo au SDGs. Waakilishi wa nchi na serikali, wanazuoni, mashirika ya Umoja wa Mataifa, wanaharakati na vijana ni miongoni mwa waliohudhuria, na Kenya haikubaki nyuma katika jukwaa hilo.
Katibu Mkuu wa Umoja wa Mataifa, António Guterres, amewasilisha Tamko jipya la Kisera kuhusu Ajenda Mpya ya Amani, ambayo inaelezea maono yake ya juhudi za kimataifa za amani na usalama, kwa kuzingatia sheria za kimataifa.
