Mkurugenzi Mkuu wa Shirika la UM juu ya Makazi (UN-HABITAT) yaani Anna Tibaijuka mapema wiki hii ametia sahihi maafikiano maalumu nchini Uchina yatakayoiwezesha UM na mashirika yake kadha kushiriki kwenye Maonyesho Makuu ya Dunia ya Shanghai katika 2010, maonyesho ambayo yatalenga zaidi nidhamu mpya za kuimarisha miji na maendeleo.
KM amelaani mashambulio mawili ya mabomu ya kujitolea mhanga yaliofanyika Alkhamisi katika mji wa Wah, Pakistan, tukio ambalo lilisababisha idadi kubwa ya vifo na majeruhi wingi wa kiraia. Alirudia msimamo wake juu ya vitendo vya kigaidi, vya kihorera, ambavyo alisisitiza ni vya kulaumiwa na na anavipinga kihakika. KM alituma mkono wa huzuni kwa aila ya waathiriwa, Serikali na umma wa Pakistan.
Ijumanne KM Ban Ki-moon alitoa taarifa maalumu ilioshtumu, kidhati, shambulio la kigaidi liliofanyika kwenye mji wa Issers, kilomita 60 mashariki ya mji mkuu wa Algiers, Algeria.
Ofisi ya UM juu ya Udhibiti wa Uhalifu na Madawa ya Kulevya (UNODC) imeripoti katika wiki iliopita polisi wa Umoja wa Imarati za Kiarabu (UAE) waliwashika katika Imarati ya Sharjah watuhumiwa 19 wa KiAfghani na kilo 202 za unga wa afyuni iliotakaswa.
Ijumanne alasiri Baraza la Usalama lilikutana kwa mara ya sita kuzingatia tena hali katika Georgia na mgogoro wa Ossetia Kusini, na wajumbe wa Baraza walishindwa kufikia suluhu ya kuridhisha. ~
Kwenye taarifa iliotolewa na Baraza la Usalama (BU) kufuatia mkutano wa hadhara Ijumanne kuzingatia hali Mauritania, wajumbe wa Baraza walishtumu vikali mapinduzi yaliofanyika na wanajeshi dhidi ya Serikali katika wiki za karibuni.
Ripoti iliowasilishwa leo kwenye mkutano unaofanyika Bali, Indonesia kuhusu hifadhi ya makasa wa baharini waliopo kwenye maeneo ya Bahari ya Hindi na Asia ya Kusini-Mashariki, ilibainisha kupatikana maendeleo ya kutia moyo miongoni mwa yale mataifa 27 yaliotia sahihi maafikiano ya kuwalinda wanyama hawa dhidi ya uharibifu wa mastakimu yao.
Baraza la Usalama Ijumatano lilikutana tena kusailia tatizo sugu la Mashariki ya Kati, ikijumuisha suala la haki za WaFalastina.~~
Ijumanne asubuhi kulifanyika taadhima maalumu Makao Makuu za kuhishimu kumbukumbu ya shambulio la ofisi za UM katika Hoteli ya Canal mjini Baghdad, ambapo mnamo tarehe 19 Agosti 2003, miaka mitano nyuma, lori liliobebeshwa mabomu liliegezwa kwenye majengo ya UM na kuripuliwa.
Mataifa ya Benin, Burkina Faso, Niger, Mali na pia Mauritania na Togo yamekabiliwa, sasa hivi, na maafa ya mvua kali zinazobashiriwa kuendelea hadi mwezi Septemba na kuhatarisha afya za mamilioni ya watu wanaoishi kwenye maeno haya ya Afrika Magharibi.
